Aımaqtar • 24 Qazan, 2018

Qostanaıdaǵy «SaryarqaAvtoProm» zaýyty Aqtaýǵa 88 ekologııalyq avtobýs jiberedi

360 ret

kórsetildi

1 mın

oqý úshin

Mańǵystaý oblysyna elektrmen júretin 18 jáne gazben júretin 70 avtobýs jiberý týraly Aqtaý qalasynyń ákimi Ǵalymjan Nııazov, «Kaspıı» ÁKK» AQ Basqarma tóraǵasy Jomart Ábıesov jáne «SaryarqaAvtoProm» JShS dırektory Syrym Semeıbaev arasynda úsh jaqty kelisimge qol qoıylǵan bolatyn.

Egemen Qazaqstan

Qostanaıdaǵy «SaryarqaAvtoProm» zaýyty Aqtaýǵa 88 ekologııalyq avtobýs jiberedi

Osy memorandým sheńberinde gazben júretin «Ankai» markaly avtobýsty paıdalaný sapasyn synaqtan ótkizý josparlandy. Synaq oń nátıje kórsetken jaǵdaıda «Kaspıı» ÁKK» AQ Mańǵystaý oblysynyń avtobýs parkin 70 avtobýspen tolyqtyrady. Aqtaýdaǵy jolaýshylar avtokóligin jańartý maqsatynda tehnıkalyq tozyǵy jetken avtobýstar ekologııalyq taza kólikterge birtindep aýystyrylady. Joba sheńberinde Qostanaıdaǵy mashına qurastyrý zaýytynan taǵy da 18 elektrobýstar alynbaq.

Aqtaý qalasymen qatar Astanada da 70 elektrobýsty baǵyttarǵa jiberý máselesi qaralýda. Ol úshin qytaılyq mamandar kelip, elektrobýstar baǵyttary men olardy zarıadtaıtyn stansııalardy ornatý jumystarymen aınalysýda.

Názıra JÁRIMBET,

«Egemen Qazaqstan»

Qostanaı