Mańǵystaý oblysynyń ákimi E. Toǵjanov, «Nur Otan» partııasy tóraǵasynyń birinshi orynbasary N. Týmyshev jáne depýtattar óńirdegi Munaıly aýdanynyń Qyzyltóbe aýylyndaǵy «Shlıýmberje» mega-bazasynyń jumysymen tanysty.
«Shlıýmberje» kompanııasynyń eńbek ujymymen kezdesýde depýtattar Joldaýdyń basym baǵyttaryna, onyń ishinde áleýmettik qamsyzdandyrý salasyna, ıaǵnı zeınetaqy, jalaqy, densaýlyq saqtaý, bilim berý salalarynyń qoljetimdiligin arttyryp, azamattardyń ál-aýqatyn jaqsartý jıyna toqtaldy. «Shlıýmberje» kompanııasy álemniń 80-ge jýyq elderinde isteıtin, 140 túrli ulttan turatyn 100 myńǵa jýyq jumyskerleri bar dúnıejúzilik iri munaı salasyndaǵy qyzmet kórsetý korporasııasy. «Shlıýmberje» seısmıkalyq aqparat pen formasııanyń damýy prosesi, uńǵy testi men týra burǵylaý, uńǵy sementteý men qozdyrý, jasandy kóterý, uńǵyny aıaqtaý jáne konsaltıng, baǵdarlamalar men aqparatty basqarý sııaqty keń aýqymdy ónimder men qyzmetter usynady. Búgingi tańda kompanııanyń Mańǵystaý oblysyndaǵy bazasynda 300-ge jýyq adam eńbek etýde.
Kezdesýde eńbek ujymy depýtattarǵa óz usynystaryn bildirip, pikir almasty.
- Biz Mańǵystaý oblysynyń birshama mekemelerin aralap shyqtyq. Sonyń ishinde «Shlıýmberje» mega-bazasyn erekshe atap ótkim keledi. Bul mekeme munaı-gaz salasy boıynsha sandyq júıege kóshýdi jolǵa qoıyp, qarqyndy damyp keledi. Munda 300-den asa adam qyzmet atqarady, olardyń áleýmettik jaǵdaıy jaqsy ekendigimen tanystyq, kóńilimiz toldy. Sebebi biz úshin eń basty másele qarapaıym halyqtyń ál-aýqatyn jaqsartý, dedi general-leıtenant, Qazaqstan Respýblıkasy Parlamenti Májilisiniń depýtaty A.Tasbolatov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
