Kezdesýde oblystyq sottyń qylmystyq ister jónindegi sot alqasynyń tóraǵasy Muratǵalı Áketaı Joǵarǵy Sot Tóraǵasy Jaqyp Asanovtyń sot prosesiniń uzaqtyǵy men qymbatqa túsetindigi, sondyqtan tatýlasýdyń utymdy tásil ekendigi, buǵan árbir sýdıa múddeli bolýy kerektigi jóninde aıtqan sózin eske saldy. «Adamdardyń sottan bólek daýlardy sheshetin balamaly alańdary bolýy kerek. Tatýlastyrý rásimderin keńinen damytýǵa halyqtyń bul ınstıtýt jaıynda aqparatty tolyq bilmeýi kedergi bolyp otyr», - dedi ol.
M. Áketaıdyń aıtýynsha, 2018 jyldyń 9 aıynda sotqa deıingi tártipte medıatorlardyń qatysýymen azamattyq ister boıynsha 951 daý men janjal, 1727 qylmystyq is sotqa deıingi tatýlastyrý arqyly rettelgen. Bekitilgen memorandým aıasynda Kásipkerler palatasynyń keńsesinde kásipkerler úshin «Medıator buryshy» ashylǵandyǵy aıtyldy. Munda medıatorlar kezekshilik etip, zańdy tulǵalar arasynda tatýlastyrýdyń artyqshylyqtaryn tegin túsindiredi. 2018 jyldyń birinshi jartyjyldyǵynda Pavlodarda kásibı emes medıatorlardyń 1-respýblıkalyq forýmy ótkizildi.
«Birlese damý» áleýmettik kásirkerlikti damytý qorynyń prezıdenti Nurgúl Qaraǵoıshına jáne Joǵarǵy Sot Tóraǵasynyń keńesshisi Saǵatbek Súleımen «Tatýlastyrý: sotqa deıin, sotta» jobasynyń negizgi aspektileri jóninde habarlady.
Is-shara barysynda qatysýshylar medıasııanyń damýy jóninde oń pikirlerin bildirip, ony nasıhattaýǵa óz úlesterin qosýǵa daıyn ekendikterin bildirdi.
Kezdesý sońynda qoǵamda daýlardyń sanyn azaıtý boıynsha tıisti usynymdar ázirlendi.
