Bıylǵy jyly ótetin «4-shi Túrik Fılmderi Aptalyǵy - Almaty» festıvali 2018 jyly 30 qazanda Murat Shekerdiń «Bizdiń mereke» ("Görevimiz Tatil") fılmimen ashylady. Kóptegen fılmder men serııaldardyń oıynshylary jáne rejısserlerdiń qatysýymen ótetin fılm aptasyna, Túrkııadan Prezıdent bas keńesshisi jáne Ulttyq oı-pikir qaýymdastyǵynyń qurmetti tóraǵasy Iаlchyn Topchý, Aq partııa depýtaty jáne Ulttyq oı-pikir qaýymdastyǵynyń tóraǵasy Metın Gıýndogdý, Prezıdent apparatynyń mamany Fatıh Topaktash, sondaı-aq «Ertýgrýl. Qaıta tirilý» serııasynyń akterlary Sezgın Erdemır, Dıdem Balchyn, «Bizdiń mereke» ("Görevimiz Tatil") fılmniń rejısseri Murat Sheker, Beshıktash mádenı ortalyǵynyń (BKM) fılm úılestirýshisi Fyrat Sezgın, Kınematografısterdiń kásibı qaýymdastyǵy (FİYAP) Bas hatshysy Ahmet Edebalı jáne Túrik Fılmderi Aptalyǵynyń bas úılestirýshisi Oner Kylych qatysady.
Bir aptaǵa sozylatyn is-sharada «Bizdiń mereke» ("Görevimiz Tatil"), «Ashty, Tátti, Qyshqyl» (Acı Tatlı Ekşi), «Tumar jáne Mahabbat Qupııasy» (Muska ve Aşkın Sırrı), «Somýndjý Baba» (Somuncu Baba) fılmderi «Arman kınoteatrynda» tegin kórsetiletin bolady. Sondaı-aq osy aptada fılm kórsetilimderinen keıin ártister men kórermender arasynda kezdesýler ótkiziledi. Túrkııadan kelgen rejısserler, akterler jáne prodıýsserler men qazaq kıno ártisteri arasynda kezdesý ótip, ortaq óndirister týraly ekijaqty kelissózder men talqylaýlar ótetin bolady. Sonymen qatar T.Q. Júrgenov atyndaǵy Ulttyq óner akademııasynda ártister-stýdentter kezdesýleri men suhbattary ótetin bolady.
«4-shi Túrik Fılmderi Aptalyǵy - Almaty» is-sharasyna Zugo Textile, Altınyıldız Classics, Atiker Auto Gas Systems, Alatau Construction Services, Tem-Týr jáne Almaty qonaq úıi qoldaý kórsetedi.
Elvıra SERIKQYZY,
«Egemen Qazaqstan»
ALMATY
