Qyzyl Krestiń ókili Prezıdent Nursultan Nazarbaevtyń ıadrolyq qarýsyzdanýdaǵy rólin jáne birqatar daǵdarystyq jaǵdaılardy retteýdegi elimizdiń deldaldyq áreketin joǵary baǵalady.
Taraptar Qazaqstannyń Qyzyl Krestpen yntymaqtastyǵyn, Sırııadaǵy jaǵdaıdy retteýdegi Astana prosesiniń úlesin, Aýǵanstanǵa gýmanıtarlyq kómek, qaqtyǵys aımaqtaryndaǵy HQKK-nyń deldaldyq qyzmetin jáne elimizdiń BUU Qaýipsizdik Keńesiniń quramyndaǵy jumys tájirıbesin eskere otyryp, bolashaq ózara yntymaqtastyqtyń máselelerin talqylady.
Q. Ábdirahmanov Elbasynyń jaqyndaǵy bastamasy - úzdik elder arasyndaǵy ekonomıkalyq, saıası qarsylastyqtardyń ahýaldy máselelerin sheshý maqsatynda Qytaı, AQSh, Reseı, jáne Eýropa Odaǵy arasyndaǵy dıalogty jaqsartý úshin BUU-nyń arnaıy sessııasy formatyndaǵy kezedesýdi Astanada ótkizýge bolatyndyǵyn atap ótti. Bundaı dıalog sanksııalyq jáne saýda qarsylastyǵyn joıýdy, senim ornatý, turaqty damýdy qamtamasyz etý, kedeıshilikti joıý, damyp kele jatqan álemge qolǵabys kórsetý maqsatynda terrorızmge jáne basqa da zamanaýı tegeýrindi talaptar men qaterlerge qarsy kúresti kózdeıdi.
Q. Ábdirahmanov Qazaqstandaǵy Qyzyl Krest О́kildigin ashý týraly QR Úkimeti men HQKK arasyndaǵy kelisimdi ratıfıkasııalaý úrdisiniń aıaqtalý ústinde ekendigin habarlady. HQKK О́kildiginiń ashylýy qazirgi kezdegi bar ońtaıly yntymaqtastyq tájirıbesin jalǵastyrady, jańa kórinister alady jáne praktıkalyq qadamdarǵa ákeledi degen úmit bildirdi.
HQKK Vıse-prezıdenti Syrtqy ister mınıstrligine Qazaqstandaǵy komıtet jumysyna qoldaý kórsetetindigine alǵys bildirdi. Sonymen qatar, ulttyq jáne óńirlik deńgeılerde, sonyń ishinde Aýǵanstanda birlesken jobalardy iske asyrýda, qazaqstandyq bitimgershilerdi daıyndaýda, quqyq qorǵaý organdarynyń qyzmetkerlerin oqytýda ózara yntymaqtastyqty keńeıtýge daıyn ekendigin atap ótti.
J. Karboneniń Astanaǵa sapary barysynda QR Syrtqy ister mınıstrligi, Halyqaralyq Qyzyl Krest Komıteti jáne Qazaqstandaǵy Shveısarııa Konfederasııasynyń Elshiligi birlesip alǵash ret QR qazaq tiline aýdarylǵan 1949 jylǵy Jeneva konvensııalaryn jáne oǵan qosymsha hattamalardyń tusaýkeserin ótkizdi.
Sondaı-aq tusaýkeserge memlekettik organdardyń, dıplomatııalyq korpýstyń, joǵarǵy oqý oryndarynyń ókilderi, qazaqstandyq jáne shetel BAQ ókilderi qatysty.
