Memleket basshysynyń bastamasyn Shyǵystaǵy iri óndiris oryndary qoldap, qazirdiń ózinde qyzmetkerlerdiń jalaqysyn kóterýge kirisip ketti deýge bolady. Búgin О́skemendegi О́ńirlik kommýnıkasııalar qyzmetinde ótken brıfıngte aımaqtaǵy alpaýyt kásiporyndar - «Qazsınk» JShS men «Azııa Avto» AQ qyzmetkerlerdiń jalaqysyn ósirýge daıyn ekendikterin málimdedi.
«Qazsınk» JShS bas dırektory Aleksandr Hmelev qazir kompanııa qyzmetkerlerdiń jalaqysyn esepteýge kirisip ketkenin, kásiporyndaǵy qandaı mamandardyń jalaqysy qansha mólsherge kóbeıtiletindigi kelesi aptada belgili bolatyndyǵyn aıtty. «Bizdiń kompanııada 28 myń teńge alatyn qyzmetkerler joq. Prezıdent aıtqandaı biz qyzmetkerlerdiń jalaqysyn bir jarym esege ósirmesek te, jumysshylardyń mamandyqtarynyń ereksheligin eskere otyryp 2019 jyldyń 1 qańtarynan bastap keıbiriniń jalaqysyn 3-4, keıbirinikin 20-30 prosentke kóteremiz. Ortasha jalaqy shamamen 10 prosentke ulǵaıady dep oılaımyz. Muny kompanııanyń qurylymdaryndaǵy ujymmen kezdesip, túsindiremiz», - deıdi ol.
«Azııa Avto» AQ prezıdenti Erik Saǵymbaev qazirdiń ózinde mekemede tıisti esepteýler júrgizilip, qyzmetkerlerdiń jalaqysyn ortasha eseppen 20 prosentke ósirgendikterin jetkizdi. Onyń aıtýynsha, «Azııa Avtoda» ortasha jalaqy 226, eń tómengi jalaqy 94 myń teńgeni quraıdy.
Azamat QASYM,
«Egemen Qazaqstan»
О́skemen
