Sońǵy málimetter boıynsha oblystyń 1724 kásipornynda 10030 qyzmetkerdiń jalaqysy 42,5 myń teńgeden tómen. Atyraý oblysy Jumyspen qamtýdy úılestirý jáne áleýmettik baǵdarlamalar basqarmasynyń basshysy Asqar Janahmettiń aıtýynsha qazirgi ýaqytta memlekettik eńbek ınspeksııasy basqarmasy men kásipkerlik jáne ındýstrıaldyq-ınnovasııalyq damý basqarmasymen birlesip jumys berýshiler men iri uıymdar arasynda jalaqysy tómen qyzmetkerlerdiń jalaqysyn kóterýge qatysty mindetterdi túsindirý jumystary júrgizilýde. Bul jumys óz nátıjesin berýde.
«QasHım» JShS dırektory Etıbar Mamadovtyń aıtýynsha aǵymdaǵy jyly kásiporynnyń keıbir qyzmetkerleriniń jalaqysyn 12%-ǵa kóterdi. Kelesi jyly qalǵan qyzmetkerler úshin 10-15%-ǵa ósedi dep kútilýde.
- Búgingi kúni bizdiń qyzmetkerler 66-75 myń teńge alady. Men atap ótkendeı, kelesi jyldyń naýryz aıynan bastap atqaratyn qyzmetine qaramastan biz kásiporynda jalaqyny 10-15%-ǵa kóterýdi josparlap otyrmyz, - dedi Etıbar Mamadov.
Búginde 2006 jyly qurylǵan «KasHım» JShS-de 180 adam jumys isteıdi. Kompanııa polıpropılen men sýsymaly ónimderge arnalǵan polıetılennen jasalǵan jumsaq qaptamanyń jetekshi qazaqstandyq óndirýshisi bolyp tabylady.
«Caspian Contractors Trust Atyrau» kompanııasy 2002 jyly qurylǵan. Qurylǵan sátten bastap kompanııanyń mamandanýy munaı-gaz salasynda jobalaý-izdestirý jumystaryn oryndaý bolyp tabylady. Sondaı-aq kompanııa qazirgi ýaqytta metall qurylymdaryn salý jáne óndirýmen aınalysady.
- Biz Memleket basshysynyń saıasatyn qoldaımyz. Qazirgi tańda biz kásiporynnyń tehnıkalyq qyzmetkerleriniń jalaqysyn kóterý boıynsha jumys júrgizdik. Eger buǵan deıin olar 35 myń teńge alsa, búginde olardyń jalaqysy 55 myń teńgeni quraıdy, - dedi Kompanııanyń atqarýshy dırektory Murat Sqaqov.
Kompanııa qyzmetkerleriniń ortasha jalaqysy 100 myń teńgeni quraıdy. Alaıda iri jumys kólemin júzege asyrý kezinde jalaqy 300-350 myń teńgege deıin jetedi. Búgingi tańda bul kompanııada 255 adam eńbek etedi.
«Jigermunaıservıs» JShS-gi jaǵdaı týraly dırektordyń orynbasary Tımýr Qojaqanov aıtyp berdi.
- Bizdiń kópbeıindi kásiporynda 380 adam jumys isteıdi. Biz eńbek jaǵdaılaryna da, onyń laıyqty tólemine de kóp kóńil bólemiz. Biz qyzmetkerlerdiń jalaqysyn kóterý boıynsha jumystar júrgizdik. Orta eseppen bizdiń qyzmetkerler 180 myń teńgege deıin alady. Eń tómengi jalaqy 110 myń teńge deńgeıinde - dedi Tımýr Qojaqanov. - Buryn bizdiń qyzmetkerler kem degende 80-90 myń aldy. Bul másele bizdiń baqylaýymyzda. Kelesi jyly da biz qyzmetkerlerdiń jalaqysyn arttyrýdy josparlap otyrmyz. Bul jumysty jyl ortasynda júrgizemiz dep oılaımyn.
Baqytgúl BABASh,
«Egemen Qazaqstan»
Atyraý
