Jambyl oblysytyq ishki saıasat basqarmasynyń uıymdastyrýymen Taraz ınnovasııalyq-gýmanıtarlyq ýnıversıtetiniń májilis zalynda «Latyn álipbıi – el erteńi» atty dóńgelek ústel ótti. Atalǵan basqosýǵa elimizge tanymal ǵalymdar, til mamandarymen qatar oblystyń zııaly qaýym ókilderi, ýnıversıtet oqytýshylary jáne stýdentter qatysty. Jıyndy basqarma basshysy Berik Qurmanǵalı ashyp, júrgizip otyrdy.
Jıyn barysynda A.Baıtursynuly atyndaǵy Til bilimi ınstıtýtynyń dırektory Erden Qajybek, Túrkııanyń Karabıýk ýnıversıtetiniń oqytýshysy, fılologııa ǵylymdarynyń doktory, professor Enver Qapaǵan, L.N.Gýmılev atyndaǵy Eýrazııa ulttyq ýnıversıtetiniń oqytýshysy, professor, fılologııa ǵylymdarynyń doktory Jantas Jaqypov, Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń orfografııa bóliminiń basshysy Quralaı Kúderınova men Astana qalasynyń Tilderdi damytý jáne arhıv isi basqarmasy «Rýhanııat» mekemesiniń basshysy Erjan Eńsebaı ulttyq álipbı úlgisin jasaýdaǵy atqarylyp jatqan jumystar týraly keńinen baıandady.
Sonymen qatar, ǵalymdar qatysýshylardyń saýaldaryna da jan-jaqty jaýap berdi. О́z sózinde jıynǵa qatysýshy ǵalymdar latyn álipbıine kóshýdiń tıimdiligin, zaman talaby ekenin de jetkizdi.
Hamıt Esaman,
«Egemen Qazaqstan»
Jambyl oblysy
