«Anti-Fraud» jedel-profılaktıkalyq sharalar sheńberinde polıseıler kıberqylmyskerlerdi de ustady. Qyrkúıek aıynyń aıaǵyna taman Qostanaı qalasynyń turǵyny ınternet-alaıaqtardyń qurbany bolǵany jóninde polısııaǵa habarlaǵan bolatyn.
Áıeldiń aıtýynsha, «OLX» saıtynyń deldaldyǵymen páter jaldaǵysy keledi. Saıttaǵy habarlandyrýdyń birinde arzan ári qolaıly páterdi usynady. Satýshy er kisimen habarlasyp, olar jalǵa berýdiń shartyna kelisedi. Ol boıynsha zardap shegýshi er kisiniń tanysynyń atyna aldyn ala aqsha aýdarýy tıis bolady. Zardap shekken áıel oǵan 56 500 teńge salǵannan keıin, er adam qaıtyp baılanysqa shaqpaıdy, telefonyn óshirip qoıady. Alaıaqtarǵa aldanǵanyn bilgen áıel eki kúnnen keıin polısııaǵa habarlaıdy.
Polısııa osy oqıǵa ótken soń bir aıdan keıin eki kúdiktini ustady. Alaıaqtar Qostanaıda basqa da bir áıelden páterdi jalǵa berýdi syltaýratyp, 57 000 teńge qaqqan bolatyn.
Názıra JÁRIMBET,
«Egemen Qazaqstan»
Qostanaı
