Eýropalyq baǵdarlamalardyń mańyzdylyǵyna jáne erekshelikterine toqtalyp ótken ýnıversıtet rektory, Almaty aımaqtyq rektorlar Keńesiniń tóraǵasy Takır Balyqbaevtyń aıtýynsha, Eracmýs+ baǵdarlamasy bilim berý júıesin turaqty damytyp, tıimdiligin arttyrý arqyly qazaqstandyq bilimdi halyqaralyq deńgeıge kóterýge yqpal etedi. Baǵdarlamalar oqytýshylarymyzǵa jáne stýdentterge joǵary bilim berýde mol tájirıbe jınaqtaýǵa, básekege qabiletti bolýǵa ári kásibı deńgeıin kóterýge qolaıly.
Eracmýs+ baǵdarlamasynyń Aqparattyq kúnine, Abaı atyndaǵy QazUPÝ rektory Takır Balyqbaev, QR-daǵy Fransýz Elshiligi Bas konsýldyǵynyń ýnıversıtettik yntymaqtastyǵy boıynsha attashesi Jıl Memets, Qazaqstandaǵy Eracmýs+ baǵdarlamasynyń ulttyq úılestirýshisi Shaızada Tasbolatova, ýnıversıtettiń professor-oqytýshylar quramy, respýblıkamyzdyń óńirlerinen kelgen joǵary oqý oryndarynyń ókilderi qatysty.
Shara aıasynda Shaızada Tasbolatova baǵdarlamanyń jańa jobalary, konkýrstarǵa qatysý erekshelikteri týraly baıandap, Eracmýs + baǵdarlamasyna qatysam deýshilerge arnalǵan jobalardy qarjylandyrý boıynsha keńester berdi. Is-shara barysynda Erasmýs + baǵdarlamasynyń Ulttyq keńsesiniń ókilderi ózderine qoıylǵan suraqtarǵa jaýap berdi.
Elvıra SERIKQYZY,
«Egemen Qazaqstan»
ALMATY
