Sońǵy alty jyl ishinde oblysta munaı óndirý kólemi aıtarlyqtaı qysqarǵan. Bul týraly oblys ákimi Qyrymbek Kósherbaev:
- Respýblıka boıynsha ónim kólemi azaıýynyń 70%-dan astamy Qyzylorda oblysynda oryn aldy. Osy ýaqyt ishinde jalpy alǵanda biz 4,5 mln. tonna ónimdi joǵalttyq. Al, bul degenimiz - ınvestısııa, jumys oryndary jáne bıznes. Tek aǵymdaǵy jyldyń ózinde boljam boıynsha 600 myń tonnadan astam jetispeýshilik baıqaldy. Biraq, júıeli sharalar nátıjesinde 2017 jyldyń qorytyndysy boıynsha sońǵy 4 jylda birinshi ret JIО́ boıynsha oń vektorǵa - 100,8% shyqtyq. Munaı men búgingi tańda ýran óndirý kóleminiń jyl saıynǵy tómendeýine qaramaı, bul jospar bıyl da oryndalady, - dedi.
Osyǵan qaramastan, sońǵy úsh jylda ónerkásipke salǵan ınvestısııa kólemi eki esege jýyqtaǵan. Al, jumyspen qamtylǵandar sany 58 paıyzdan, eńbek ónimdiligi 18 paıyzdan asqan. Elbasy shıkizatqa táýeldi bolý memlekettiń adymyn tusaıtyndyǵyn aıtyp keledi. Memleket Basshysynyń ónerkásipterdi órkendetý jónindegi tapsyrmalary Syr óńirinde jaqsy oryndalyp jatqandyǵy kásiporyndardyń kóbeıgendiginen baıqalady.
Baqtııar TAIJAN,
«Egemen Qazaqstan»
Qyzylorda oblysy
