Bilim berý, densaýlyq saqtaý, TKSh salalaryndaǵy kórsetiletin qyzmetter sapasyn arttyrý, baǵa belgileý aıqyndyǵyn qamtamasyz etý jáne óńirde tarıfterdi tómendetý boıynsha qabyldanyp jatqan sharalarǵa basa kóńil bólinedi.
Oblys ortalyǵynda Premer-Mınıstr bilim berý, densaýlyq saqtaý salasyndaǵy qyzmetkerlermen, óńirlik bıznes qaýym ókilderimen birqatar kezdesýler ótkizedi. Kún tártibinde — medısınalyq qyzmetter sapasyn jaqsartý, oblysta kórsetiletin qyzmetter men dári-dármekter baǵasynyń qalyptastyrylý úrdisiniń ashyqtyǵy, bilimniń qoljetimdiligin arttyrý, bilikti kadrlar daıarlaý sapasy jáne odan ári jumysqa ornalasýyn qamtamasyz etý, kásipkerlikti damytý, «Indýstrııa 4.0» elementterin engizý arqyly óńdeý sektorynyń básekege qabilettiligin ulǵaıtý jáne t. b.
Sapardyń basty maqsattarynyń biri — tarıf saıasatynyń ashyqtyǵy máseleleri jáne Jambyl oblysynda tarıfterdi tómendetý boıynsha qabyldanyp jatqan sharalar, atalǵan máseleler oblystyq monopolııaǵa qarsy vedomstvonyń, óńirlik elektr jelisi kompanııasynyń, monopolııa kompanııalarynyń, kommýnaldyq kásiporyndardyń jáne prokýratýranyń basshylarymen ótetin keńes barysynda qarastyrylady.
Sonymen qatar, jumys sapary barysynda Premer-Mınıstr birqatar ónerkásiptik jáne áleýmettik ınfraqurylym nysandaryn aralaıdy, olardyń mysalynda óńirde «Nurly jer» jáne «7–20–25» turǵyn úı baǵdarlamalarynyń júzege asyrylýymen, medısınalyq qyzmetter sapasymen, sýmen jabdyqtaý júıesiniń jańǵyrtylýymen, sıfrlandyrýdy engizý, ónerkásip jáne aýyl sharýashylyǵy salalarynyń damý barysymen tanysady.
Oblysqa kelgen boıda B. Saǵyntaev «Kókjıek–2030» JShS sút ónimderin shyǵaratyn kásipornynyń jumysyn tekserip, AО́K damýymen jáne Prezıdenttiń aýyl sharýashylyǵy ónimderin óńdeý kólemin arttyrý jónindegi tapsyrmalarynyń oryndalý barysymen tanysty. Búgingi tańda kásiporyn 40-tan astam sút ónimderiniń túrlerin shyǵarady. Jyl basynan beri 200 tonna sary maı, 500 tonna qurǵaq sút jáne basqa da sút ónimderi shyǵaryldy. «Kókjıek–2030» JShS basshysy Á. Begimbetovtyń aıtýynsha bıyl kásiporyndy jańǵyrtý aıasynda FRAU Impianti ıtalııalyq kompanııasynyń zamanaýı jabdyǵy satyp alynyp, iske qosyldy. Bul zaýyt qýattylyǵyn jylyna 25 myń tonna sútke deıin ulǵaıtýǵa jol ashty.
Jambyl oblysy ákiminiń orynbasary M. Shókeev, óz kezeginde, óńirde aýyl sharýashylyǵyn damytý kórsetkishteri men perspektıvalary týraly baıandady. Máselen, qańtar–qyrkúıek aılarynda aýyl sharýashylyǵynyń jalpy ónim shyǵarylymy 190,5 mlrd teńgeni qurady, bul 2017 jyldyń sáıkes kezeńimen salystyrǵanda 4,2% joǵary. Aýyl sharýashylyǵynyń negizgi kapıtalyna salynǵan ınvestısııalar ótken jyly 63,9%-ǵa ósip, 19,3 mlrd teńgeni qurady, onyń ishinde azyq-túlik ónimderi óndirisine ınvestısııalar 26,5%-ǵa artyp, 5 mlrd tg qurady.
Azyq-túlik ónimderine baǵany turaqtandyrý jumystary aıasynda 54 áleýmettik dúken arqyly arzan baǵamen 1,2 mlrd teńgege 810 tonna taýar satyldy. Jyl basynan beri turaqtandyrý qorynan oblystyń barlyq aýdandaryna 398 mln teńgege 296 tonna taýar satyldy. Oblysta 169 aýyldyq jármeńke ótkizildi. 2019 jyly taýarlardy tikeleı óndirýshilerden tutynýshylarǵa satý úshin 20 kıosk jáne kommýnaldyq naryqty jańǵyrtý kózdelgen.
Aýyl sharýashylyǵy mınıstrliginiń derekterine sáıkes, Jambyl oblysynda qabyldanyp jatqan sharalardyń arqasynda osy jyldyń qańtar–qyrkúıek aılarynda ótken jyldyń sáıkes kezeńimen salystyrǵanda naqty máninde ósimdik maıynyń óndirisi 2,2 esege, keptirilgen nan men pechene — 93,3%-ǵa, shokolad — 2,7 ese, makaron — 0,8%, shujyq ónimderi 2,6%-ǵa, óńdelgen sút 17,3%-ǵa, qyshqyl sút ónimderi 0,6%-ǵa, irimshik pen súzbe — 17,2%-ǵa, balmuzdaq 54%-ǵa artty.
1 qazandaǵy jaǵdaı boıynsha oblysta IQM basy sanynyń ótken jyldyń sáıkes kezeńimen salystyrǵanda 9,5%-ǵa ósirý úrdisi baıqaldy. Et óndirisi 3,8% artyp, 44,1 myń tonnany, sıyr súti 2,8%-ǵa 246,5 myń tonnaǵa deıin, taýyq jumyrtqasy 5,5%-ǵa 99,5 mln danaǵa deıin ósti. Toǵyz aıdyń qorytyndysy boıynsha sıyr etiniń eksport kólemi 640,9 tonna qurady. Bıyl Jambyl oblysynda maldy qystaýǵa 1502 myń tonna shóp daıyndaldy, 107% qamtamasyz etý, pishindeme — 44,4 myń tonna (95%) jáne súrlem — 56 myń tonna (125%).
2018 jyly oblysta egistik alqaby 669,1 myń gektardy qurady, bul ótken jylǵydan 38,9 myń gektarǵa artyq. 9 qarashadaǵy jaǵdaı boıynsha oblys dándi daqyldardy tolyq jınap alǵan. 299,2 myń gektar nemese egis alqaby 100%-ǵa jınalǵan. 26,5 s/ga ónimdiligimen 791,7 myń tonna astyq bastyryldy. 12 qarashadaǵy jaǵdaı boıynsha oblystyń fermerlerine 20 myń tonna sýbsıdııalanǵan tyńaıtqysh úlestirilgen, bul 2017 jyldyń kórsetkishten 2,9 myń tonnaǵa (nemese 17%-ǵa) artyq.
О́z kezeginde, aýyl sharýashylyǵy birinshi vıse-mınıstri A. Evnıev sońǵy aptalarda Jambyl oblysynda sábiz jáne pııazdan basqa barlyq áleýmettik mańyzy bar azyq-túlik ónimderiniń shamaly óskenin atap ótti.
Osyǵan baılanysty, áleýmettik mańyzy bar azyq-túlik taýarlarynyń baǵasyn turaqtandyrý maqsatynda azyq-túlik taýarlarynyń óńirlik turaqtandyrý qorlary qurý qolǵa alynyp jatyr. Bıylǵy jyldyń 8 qarashasyndaǵy jaǵdaı boıynsha, Turaqtandyrý qoryndaǵy azyq-túlik ónimderiniń balansy 5 459 tonnany quraıdy, onyń ishinde 1445 tonna kókónis, 448 tonna birinshi surypty un, 60 tonna qaraqumyq, 55,48 tonna ósimdik maıy bar. Sonymen birge, AО́K salymdary men shottarynda 392,837 myń teńge kóleminde qarajat bar.
Eske sala keteıik, QR Premer-Mınıstri Memleket basshysynyń tapsyrmasymen el óńirlerin jumys saparymen aralap júr. Osyǵan deıin Baqytjan Saǵyntaev Atyraý, Aqtóbe, Qaraǵandy, Qostanaı, Qyzylorda, Mańǵystaý, Túrkistan, Aqmola, Batys Qazaqstan, Soltústik Qazaqstan, Pavlodar, Shyǵys Qazaqstan jáne Almaty oblystarynda jumys saparlarymen boldy.
