Kompozıtor ómiriniń ár kezeńderin erekshe tolǵanyspen eske alyp, kesh qatysýshylaryn áserli áńgimege qaraı baǵyttap otyrǵan Tóleǵataı Aqbaýov Áset shyǵarmashylyǵynyń qaı tusyn alsaq ta ózindik tarıhy, ózine ǵana tán áseri bar ekendigine toqtaldy. Al kompozıtordyń 500 ánin qurastyryp, jınaq etýge atsalysqan Qazaqstannyń halyq ártisi Nurǵalı Núsipjanov óz shyǵarmashylyǵyndaǵy Áset ánderiniń tarıhyna toqtalyp, kompozıtor qansha án jazsa, sol ánderiniń árqaısysy erekshe bir kúıge, tolǵanysqa toly ekendigin jetkizdi.Ulttyq kitaphananyń Baspasóz qyzmetiniń málimetterine súıensek, esýke alý keshine shaqyrylǵan qonaqtar «Án tóresi – Áset» taqyrybynda uıymdastyrylǵan kórmeni kórip, Áset ómirin, kompozıtor shyǵarmashylyǵynyń jarqyn sátterin tamashalady.
Is-sharaǵa qatysqan mýzyka zertteýshi Pernebek Momynuly, jazýshy Tursynbek Eshenqulov, Qazaqstannyń enbek sińirgen ártisi Uljan Aınaqulova, estrada ánshisi Á.Aınaqulova, Áset Beıseýovtyń baýyrlary Amangeldi, Bóbish Beıseýovter, balasy Danııar Beıseýov, nemereleri, mýzeı qyzmetkerleri, stýdentter, t.b. qatysyp komzozıtor ómiriniń shýaqty da, kórkem shaqtaryn eske aldy.
Búginde kompozıtordyń «Almaly Almatym», «Gúlder», «Shaqyrady kóktem», «Muńaıma», «Altynym», «Maraldym», «Sandýǵash», «Syrlasý valsi», «Juldyzym», «Armandastar», «Jaıyqtan qaıtqan tyrnalar» jáne t.b. týyndylary qazaq án óneriniń altyn qoryna enýimen qatar, ánsúıer qaýymnyń júregine tereń boılaǵan.
Elvıra Serikqyzy,
«Egemen Qazaqstan»
ALMATY
