Qazaqstan tarapyn Syrtqy ister mınıstriniń orynbasary Roman Vasılenko, al shvesııalyq tarapyn Shyǵys Eýropa jáne Ortalyq Azııa departamentiniń dırektory Andreas fon Bekerat basqardy.
Kelissózder barysynda Qazaqstan-Shvesııa yntymaqtastyǵyn jandandyrýdyń keń aýqymdy máseleleri, onyń ishinde quqyqtyq jáne konsýldyq, ǵylym jáne tehnologııalar, bilim berý baǵdarlamalary talqylandy.
Erekshe nazar saýda-ekonomıkalyq yntymaqtastyqty nyǵaıtýǵa, atap aıtqanda eki eldiń bıznes delegasııalarynyń ózara saparlary arqyly Qazaqstanda shvesııalyq kompanııalarynyń bolýyn keńeıtý (qazirgi ýaqytta 40-tan astam) qajettiligine aýdaryldy.
R. Vasılenko 2017 jyly Shvesııa Soltústik Eýropada Qazaqstannyń negizgi saýda áriptesine aınalǵanyn atap ótti. Sonymen qatar, Qazaqstan ekonomıkasyndaǵy ınvestısııalyq múmkindikter jáne sheteldik ınvestorlar úshin artyqshylyqtar týraly habarlap, shvesııalyq kompanııalardy «Astana» Halyqaralyq qarjy ortalyǵynyń, «Astana Hub» Halyqaralyq IT-startaptar tehnoparkiniń, Jasyl tehnologııalar jáne ınvestısııalyq jobalar halyqaralyq ortalyǵynyń jumystaryna jáne óraza áreketterine qatysýǵa shaqyrdy.
Anyqtama: 2018 jyldyń qańtar-qyrkúıek kezeńinde eki el arasyndaǵy taýar aınalymy 374,2 mln.dollardy (eksport – 273,9 mln.doll., ımport – 100,2 mln.doll.), al 2017 jyly – 314 mln. dollardy (eksport – 191 mln.doll., ımport – 123 mln.doll.) qurady.
Sonymen qatar, Memleket basshysynyń «Astana klýby» otyrysynda aıtqan 2020 jyly qaýipsizdik jáne yntymaqtastyq jónindegi konferensııasyn ótkizýdi, sondaı-aq ıadrolyq arsenaldardy odan ári qysqartý jónindegi kelissózderdi jandandyrý qajettiligi boıynsha bastamalary týraly habardar etti.
A. fon Bekerat Shvesııa Qazaqstannyń halyqaralyq arenadaǵy kúsh-jigerin joǵary baǵalaıtynyn jáne ony álemdegi eń qarqyndy damyp kele jatqan ekonomıkalardyń biri dep sanaıtynyn atap ótti. Buǵan Shvesııanyń saýda salasyndaǵy yntymaqtastyǵy úshin 26 basym eldiń qataryna Qazaqstannyń enýi dálel.
Kezdesý barysynda óńirlik yntymaqtastyqtyń perspektıvalary, EAEO aıasyndaǵy yntymaqtastyq jáne Ortalyq Azııadaǵy aǵymdaǵy úderister boıynsha tereń pikir almasyldy. Aýǵanstandy qalpyna keltirýge járdemdesý máseleleri de talqylandy.
Sonymen qatar kópjaqty formattaǵy yntymaqtastyq, atap aıtqanda 2017-2018 jyldardaǵy BUU Qaýipsizdik Keńesiniń turaqty emes músheleri retinde Qazaqstan men Shvesııanyń ózara is-qımyly, ıadrolyq qarýdy taratpaý jáne ıadrolyq qaýipsizdik salasyndaǵy, sondaı-aq genderlik teńdikti qamtamasyz etý máseleleri erekshe qyzyǵýshylyq týdyrdy.
Taraptar aǵymdaǵy jyldyń 23 qarashasynda Brıýsselde ótetin «Eýropalyq Odaq – Ortalyq Azııa» 12-shi Mınıstrlik kezdesýine daıyndyqty jáne EO-nyń Ortalyq Azııa boıynsha jańa strategııasynyń daıyndalý barysyn qarastyrdy.
