Adamı kapıtaldyń mańyzy zor

Halyqaralyq konferensııaǵa orta­lyq jáne jergilikti memlekettik or­­gandardyń, halyqaralyq jáne úki­mettik emes uıymdardyń ókil­deri, otandyq jáne shetel­dik ǵalym­dar men sarapshylar qatysty. Adam kapıtalynyń sapasy ın­no­vasııalyq-zııatkerlik ekonomıkany damyt­ý­dyń mańyzdy faktory jáne Qaz­aqstannyń áleýmettik-ekono­­mıkalyq saıa­satynyń negizgi bas­­ymdyǵy bolyp tabylady. Osy or­aı­da, Qoǵam­dyq damý mınıstr­ligi Aza­mat­tyq qoǵam isteri ko­mı­­­­­­­­­­­teti tór­­aǵasynyń orynbasary Ba­qyt­­­­­jan Narymbetov, Bilim jáne ǵy­lym mınıstrligi jo­ǵary jáne jo­ǵary oqý or­­nynan keıingi bilim departamenti dırek­torynyń or­­ynbasary Baný Nar­bekova adam kapıtalyna qatysty baıandama oqyp, at­alǵan vedomstvolardyń ótken jyly uıymdastyrǵan sharalary men jumystaryna toqtaldy. Pe­dagogıka ǵy­lym­darynyń doktory Aleksandr Teslenko «Kámeletke tol­­ma­ǵan­dardy zertteý» or­ta­ly­ǵy­­n­yń jas­­tar arasyndaǵy qun­dy­lyqtardyń qaı­sysy mańyzdy ekendigine baılanys­ty saýalnama júr­gizgenin aıtty. Onyń aıtýynsha, jas­tar­dyń basym kópshiligi bilimdi tań­dasa,  qal­ǵan bóligi mansap pen ot­bas­yny joǵary baǵalaıdy. 

Halyq­­aralyq konferensııaǵa qa­ty­sý­­shy­­lar talqylaý barysynda ǵylymı-tal­daý or­ta­lyq­tarynyń, qoǵamdyq ın­stı­­týttardyń, dıplomattar men sa­rap­shy­lar­dyń yntymaqtastyǵy Eýrazııa keńis­tiginde qol jetkizgen senim deńgeıin joǵarylatady jáne qoǵamdyq dıplomatııany damytady jáne tereńdetedi degen qorytyndyǵa keldi. Jıyn sońynda qa­tysýshylar qarar qabyldady.  Ol boıynsha halyqaralyq ǵylymı konferensııa materıaldary men maqalalarynyń jınaǵyn daıyndap, basyp shyǵarý isin josparlady.

Aqmaral AǴZAMQYZY,

«Egemen Qazaqstan»