Kenttiń ereksheligi-aınalasynda iri jáne shaǵyn kásiporyndary bar óndiristi kent sanalady. Mundaǵy óndiris oryndary kentke qamqor, júıe quraýshy kásiporyndar sanalady. Kenttiń jylý qubyry sýmen jabdyqtaıtyn Ekibastuz – Maıqaıyń aralyǵyndaǵy sý taratqysh, kent ishilik sý taratqysh qubyrlary ýaqytsha senimgerlik basqarýǵa «Maıqaıyń Altyn» AQ-qa berilgen. Káriz júıelerimen «Aýhal» JShS jumys júrgizedi.
Byltyr Maıqaıyńda «Nurbóbek» balabaqshasy ashyldy. Ata-analardyń deni «Maıqaıyń Altyn» AQ ken baıytý kombınatynda, basqa da kenishterde eńbek etedi.
Al, kentte jeke jer úıler sany–796. Kóp qabatty birneshe turǵyn úı kúrdeli jóndeýden ótken. Abattandyrý jumystaryn júrgizý maqsatynda jeke jer úıler arasynda da jóndeý, sylaý, aqtaý jáne qorshaýlaryn aıyrbastaý jumystary ótkizildi.
Byltyr ońtústik óńirlerden 4 otbasy kóship kelse, bıyl 10 otbasy kelip qonystanypty. Kent ákimdiginiń málimetinshe, ishki kóshi-qonmen kelgen qonystanýshylarǵa jan-jaqty áleýmettik qoldaý sharalary jasalǵan.
Qonystanýshylar arasynda 4 dáriger, medbıke, 1 sport jattyqtyrýshysy, mýzyka mamany jáne óndiris mamandary kelipti.
Turǵyndardyń jeke menshigindegi satylatyn 110 úı bar, onyń ishinde quny 2 mıllıon teńgeden aspaıtyn 28 úı, al qalǵandarynyń jalpy quny 38 mıllıon 900 myń teńge quraıdy.
Farıda BYQAI,
«Egemen Qazaqstan»
PAVLODAR
