- Gazet ujymy sol kezdegi gazet redaktory Muhıt Omarovtyń bastamasymen 2008 jyldan bastap toǵyzqumalaqtan jyl saıyn dástúrli týrnır ótkizip keledi. Alǵashynda qatysýshylar sany 180 bolsa, búgingi kúni týrnırge jer-jerden 418 toǵyzqumalaqshy keldi. О́ńirdiń barlyq aýyldarynan, elimizdiń ár óńirinen, Aýǵanstan, Ázerbaıjan, Qytaı, Mońǵolııa, Túrkııa elderiniń toǵyzqumalaqshylary qatysyp, týrnırdi halyqaralyq deńgeıge kóterdi, - deıdi gazettiń bas redaktory Nurbol Jaıyqbaev.
Al, Mońǵolııanyń Toǵyzqumalaq federasııasy Pavlodarǵa jarysqa baratyn toǵyzqumalaqshylar arasynda arnaıy irikteý ótkizipti. Jarys kezinde Zamanbek Qojanııazuly bastap kelgen Baıan О́lgeılik 11 oıynshy toǵyzqumalaq oınaýda bar sheberlikterin saldy.
Sharanyń jabylý rásimine Dúnıejúzilik toǵyzqumalaq federasııasynyń vıse-prezıdenti, memlekettik jattyqtyrýshy Dastan Qapaev qatysty.
- Jergilikti jerde ótkiziletin týrnırdiń Halyqaralyq deńgeıge kóterilip kele jatqandyǵy qýantady. Ekinshiden, 400 den asa toǵyzqumalaqshyǵa tórelik etý de úlken jaýapkershilik. Qatysýshylar jas erekshelikterine baılanysty 5 topqa bólinip, jarysqa qatysty. Sońynda 60 toǵyzqumalaqshy júldege ıe bolsa, «Eń jas oıynshy» atalymyn semeılik 5 jastaǵy Erdos Berikqanov ıelendi, -deıdi Dastan Qapaev.
Sonymen, «Sheberligin shyńdaǵany úshin» nomınasııasy boıynsha Almaty oblysynan Aısha Amanjol, «Jeńiske degen qushtarlyǵy úshin» semeılik Álıǵazy Qaısarov laıyqty dep tanyldy.
Týrnır nátıjesinde pavlodarlyq toǵyzqumalaqshylar top jardy. Qyrǵyzstanda ótken «III Dúnıejúzilik Kóshpendiler oıynynda» toǵyzqumalaqtan oblystyń bas jattyqtyrýshysy Arystan Qapaev bastaǵan toǵyzqumalaqshylar altynnan alqa taqty.
Gazet redaktory Nurbol Jaıyqbaev týrnırdiń ótýine qoldaý bildirgen oblystyq dene shynyqtyrý jáne sport basqarmasyna, Pavlodar, Ekibastuz qalalyq ákimdigine, oblystyq kásipkerler palatasyna, «Ertis Medıa» JShS-ne, Sharbaqtylyq kásipker Qısamıden Máshenovke, qaladaǵy «Shahmat úıiniń» ujymyna alǵysyn aıtty.
Farıda BYQAI,
«Egemen Qazaqstan»
PAVLODAR
Sýretti túsirgen: Darhan О́mirzaqov
