16 qarasha kúni keshki 19.00 shamasynda oblys ortalyǵy Qyzylorda qalasynan 130 shaqyrym jerde Qarmaqshy aýdanynyń Aqjar aýyly mańynda «Samara-Shymkent» tasjolynda 2 jolaýshylar avtobýsynyń soqtyǵysqany týraly habar kelip tústi.
Jol-kólik oqıǵasy týraly habar alǵannan keıin apat ornyna Qarmaqshy aýdanynyń ákimi Sultan Maqashov pen aýdan ákimdiginiń qyzmetkerleri, oblystyq densaýlyq saqtaý, jumyldyrý daıyndyǵy basqarmalary men jergilikti polısııa qyzmetiniń, sondaı-aq tótenshe jaǵdaılar jáne ishki ister departamentiniń basshylary bardy.
Oqıǵa ornynda jergilikti polısııa qyzmetiniń 34 qyzmetkeri,13 arnaıy tehnıka men 34 tótenshe jaǵdaılar departamentiniń mamany, 130 medısına salasynyń qyzmetkeri, onyń ishinde 16 dáriger jumyldyryldy. Sondaı-aq, 12 "jedel járdem" brıgadasy jumys istedi.
84 jolaýshyǵa kómek kórsetildi. Sonymen qatar, Jalaǵash jáne Josaly aýdandarynda eki aýrýhana jáne oblystyq medısınalyq ortalyq zardap shekkenderge kómek kórsetýde.
«Qazaly-Qyzylorda» men «Qyzylorda-Qarmaqshy» baǵytyndaǵy 2 avtobýsta barlyǵy 86 adam bolǵan. Medısınalyq kómek 74 jolaýshyǵa kórsetildi,onyń 29-y aýrýhanalarǵa jetkizildi jáne dárigerlerdiń baqylaýynda. Qalǵan 45 jolaýshyǵa alǵashqy medısınalyq kómek kórsetilip, ambýlatorlyq em taǵaıyndaldy. Apat ornynda 2 adam qaıtys boldy jáne aýyr jaraqat saldarynan aýrýhanada bir bala kóz jumdy»,-dedi oblystyq densaýlyq saqtaý basqarmasynyń orynbasary Oljas Ysqaqov О́ńirlik kommýnıkasııalar qyzmetinde ótken baspasóz máslıhatynda.
Qaıtys bolǵan jandardyń otbasylaryna jergilikti bılik tarapynan qajetti kómek kórsetilýde.
