Sonymen qatar, aýyl sharýashylyǵy boıynsha konkýrs qorytyndysymen eń úzdik kórsetken aýdandar anyqtaldy. Eń úzdik aýdandy anyqtaý úshin aýyl sharýashylyǵy salasy boıynsha aǵymdaǵy jyldyń on aıynda atqarylǵan jumystarǵa sáıkes, on negizgi kórsetkishter boıynsha saraptama júrgizilgen. Saraptama nátıjesinde Jambyl aýdany birinshi oryndy, Merki aýdany ekinshi oryndy, al T.Rysqulov aýdany úshinshi oryndy ıelendi. Sonymen qatar, mal, egin sharýashylyqtary boıynsha da úzdik sharýa qojalyqtar, óńdeýshi kásiporyndar men ozyq kooperatıvter marapattaldy. Eńbek ozattaryna Bekbolat Serikbekuly agroónerkásip kesheni salasyndaǵy uzaq jylǵy jemisti eńbekteri úshin oblys ákiminiń jáne oblystyq máslıhattyń Qurmet gramotalary tabystady. Elimizdiń Aýyl sharýashylyǵy mınıstrliginiń «Eńbek ardageri» medali, «Aýyl sharýashylyǵy salasynyń úzdigi» tós belgisi jáne Qurmet gramotalary oblys sharýalaryna tabystaldy.
Shara barysynda Kenen Ázirbaev atyndaǵy oblystyq fılarmonııanyń ónerpazdary án men bıden shashý shashty.
Aıta keteıik, bıylǵy jyly atalǵan salaǵa 17,6 mıllıard teńge bólingen. Onyń ishinde respýblıkalyq 7902,3 mıllıon teńge bolsa, oblystyq bıýdjetten 9760,2 mıllıon teńge bólingen. Sonymen qatar, bıýdjettik kredıt jáne transfertterge 5278,1 mıllıon teńge, al sýbsıdııalarǵa 11,880,2 mıllıon teńge bólingen. Aǵymdaǵy jyldyń 10 aıynda aýyl sharýashylyǵy óniminiń jalpy kólemi 230 mıllıard teńgeni qurap, ótken jylmen salystyrǵanda 104 paıyzdy qurady. Al aǵymdaǵy jyly paıdalanylmaı jatqan jerlerdi aınalymǵa engizý arqyly aýyl sharýashylyǵy daqyldarynyń egis kólemi 669 myń gektarǵa ornalastyrylyp, ótken jylmen salystyrǵanda 39 myń gektarǵa artty.
Hamıt ESAMAN,
«Egemen Qazaqstan»
Jambyl oblysy
