Aldaǵy ýaqytta jergilikti polısııa qyzmetiniń 15 paıyzy baspanamen qamtylmaq. О́tken jyly Jol-patrýldik polısııasynyń jas mamandaryna jataqhana berilgen. Bul kúnderi oblystyq ishki ister departamentiniń jol-patrýldik polısııasy batalony bólimshesi ornalasqan aýmaqta 120 páterli turǵyn úı qurylysy júrip jatyr.
О́kinishke qaraı, óńirde elimizde qabyldanǵan «7-20-25» baǵdarlamasyn oryndaý barysy baıaý júrgizilýde. Endi bul bastamany qoldaýǵa polısııa qyzmetkerleri de qatysatyn bolady.
Aýyldyq aımaqtarda ýchaskelik ınspektorlardyń jetispeýine de turatyn úıdiń joqtyǵy sebep. Ishki ister departamentiniń ókilderi bul máseleni shtat sanyn arttyrý arqyly qolǵa almaqshy.
Ýchaskelik ınspektorlar aýylǵa aýyl turǵyndarynyń sanyna baılanysty jiberiledi. Bir ınspektor 2800 adamǵa qyzmet etýi tıis.
Farıda BYQAI,
«Egemen Qazaqstan»
Pavlodar
