Bul Elbasy bıylǵy Joldaýynda atap ótken úsh aýysymdy mektepter máselesin túbegeıli sheshý úshin áli biraz jumys atqarylýy kerektigin kórsetedi. «Aldaǵy eki jylda Atyraýda 20 mektep salý josparlanyp otyr, osylaısha úsh aýysymda oqytý máselesi sheshiledi, − deıdi qalalyq bilim berý bóliminiń meńgerýshisi Farıza Shańgereeva. – Qazir bes mekteptiń qurylysy júrýde. 8 bilim nysany memlekettik-jekemenshik áriptestik negizinde salynady. Jyl sońyna deıin eki mektep paıdalanýǵa beriledi».
О́ńirlik kommýnıkasııalar qyzmetinde ótken brıfıngide mektepterdegi muǵalim tapshylyǵy jaıly da sóz boldy. Aýdandardy aıtpaǵannyń ózinde, Atyraý qalasyndaǵy 57 mektepke qazir 305 muǵalim jetpeı otyr. Ásirese qazaq tilinde oqytatyn mektepterdegi orys tili páni muǵalimine, matematıka, fızıka, tarıh, tehnologııadan dáris berýshilerge suranys joǵary.
Bul problemany sheshý úshin de atqarylyp jatqan sharalar bar. Oblys ákimdigi bıyl pedagogıkalyq mamandyqtar boıynsha memlekettik tapsyrys negizinde 300 mektep túlegine grant berdi. Kelisimshart boıynsha grantqa ıe bolǵan jastar oqý bitirgennen keıin oblys aýmaǵyndaǵy bilim ordalarynda jumys isteýge mindetti.
Baqytgúl BABASh,
«Egemen Qazaqstan»
ATYRAÝ
