Bul kúni oqýshylar men ata-analarǵa «ashyq esik kúni» uıymdastyryldy. Olar ortalyqtaǵy úıirmelerdiń jumysymen, IT-tehnologııalardyń qyr-syrlarymen tanysýǵa múmkindik aldy. Merekelik konsert uıymdastyryldy. Fotoaımaqta robot-akter Tespıanmen fotoset ótkizildi.
Ortalyqtyń ashylý rásiminde sóılegen sózinde oblys ákimi Qumar Aqsaqalov atalmysh nysannyń mańyzdylyǵyn atap ótti.
«Oqýshylar saraıy – Elbasynyń soltústikqazaqstandyq balalarǵa jasaǵan syılyǵy. Bul barlyq talaptarǵa jaýap beretin, álemdegi ozyq IT-tehnologııasy paıdalanylatyn ozyq úlgidegi ǵımarat sanalady. Bilim berý, tanymdyq dárister, robototehnıka, bıotehnologııa, mehatronıka, kórkemóner, mádenıet, shyǵarmashylyq, oıyn-saýyq úıirmeleri, naqty ǵylymdar ortalyǵy – bári barlyq deńgeıdegi balalarǵa arnalǵan»,dedi Q. Aqsaqalov.
Oqýshylar saraıynda 87 úıirmege 1800 bala bir mezgilde qatysa alady.
О́mir ESQALI,
«Egemen Qazaqstan»
Soltústik Qazaqstan oblysy
