Oblystyq mádenıet, arhıvter jáne qujattama basqarmasynyń málimetinshe, Elbasy ómirinen usynylatyn kórinister «Táýelsizdik dáýiri», «Halqymmen bólisý», «Nursultan Nazarbaev. О́mirbaıan» kitabtarynan alynady. Qazir basty rólge akterlerdi irikteý júrgizilýde.
Qoıylymnyń rejısseri-Altynbek Rahmetovtiń aıtýynsha, teatrlandyrylǵan kórinisterde Tuńǵysh Prezıdenttiń balalyq shaǵy, stýdenttik kezeńi, Temirtaý qalasy jáne qazirgi jańarǵan elimiz kórsetilmekshi.
Barlyq qoıylymdarǵa J. Aımaýytov atyndaǵy qazaq mýzykaly-drama teatry men A. Chehov atyndaǵy drama teatrynyń ártisteri qatysady.
Árbir teatrlandyrylǵan ómir kezeńi mýzykalyq áýendermen, horeografııamen aıaqtalady.
Kóriniste barlyǵy 11 án oryndalady. Mýzykalyq týyndylardy Isa Baızaqov atyndaǵy oblystyq fılarmonııanyń ánshileri men elimizdiń estrada juldyzdary án shyrqaıdy.
Sońynda ánshi Altynaı Jorabaeva óner kórsetedi. О́ńirde Prezıdent kúnine oraı konsertter, kórmeler, Ult kóshbasshysy týraly fılmder kórsetý, taqyryptyq baǵdarlamalar bar 200-ge jýyq mádenı sharalar ótedi dep josparlanýda.
Farıda BYQAI,
«Egemen Qazaqstan»
PAVLODAR
