Sonymen qatar Altaıdyń qazaqtar men Eýrazııanyń basqa da halyqtarynyń tarıhynda alar orny erekshe ekenine toqtalǵan.
«Osynaý asqar taýlar ǵasyrlar boıy Qazaqstan jeriniń táji ǵana emes, kúlli túrki áleminiń besigi sanaldy. Dál osy óńirde bizdiń dáýirimizdiń I myńjyldyǵynyń orta sheninde Túrki dúnıesi paıda bolyp, Uly dala tósinde jańa kezeń bastaldy», delingen Elbasy maqalasynda.
Qazaqstan jerindegi ejelgi qalalardyń álem tarıhynda alar orny týraly aıta otyryp, Qoja Ahmet Iаsaýı men Ábý Nasyr Ál-Farabıdiń qazaq topyraǵynda ǵumyr keshkenin aıtyp ótken.
Elbasynyń aıtýynsha, orasan zor keńistikti ıgere bilgen túrkiler ulanǵaıyr dalada kóshpeli jáne otyryqshy órkenıettiń ózindik órnegin qalyptastyryp, óner men ǵylymnyń jáne álemdik saýdanyń ortalyǵyna aınalǵan ortaǵasyrlyq qalalardyń gúldenýine jol ashqan.
