«Sheremetevo áýejaıynda Máskeý-Afıny baǵytymen ushqaly jatqan áýe kemesiniń ekıpajy ushyp-qoný jolaǵynyń boıymen qozǵalyp bara jatqan kezinde jergilikti ýaqyt boıynsha saǵat 20:10-da belgisiz zatpen soqtyǵysqany týraly habar bergen.
«Oqıǵa ornyn tekserý faktisi barysynda onda er adamnyń óli denesi, kıimi jáne ózge de jeke zattary tabyldy. Qaza bolǵan er adamnyń aty-jóni anyqtaldy, aqparat tıisti jedel is-sharalardy ótkizý úshin polısııaǵa jiberildi», - dedi áýejaıdyń qoǵammen baılanys dıreksııasynyń basshysy Anna Zaharenkova. Onyń aıtýynsha, oqıǵa ornyna «Apattar medısınasy» ortalyǵy men jedel járdem brıgadalary, avıasııalyq qaýipsizdik jáne kóliktik polısııa qyzmetteri dereý kelip jetken.
Atalǵan fakti boıynsha tekserý jumystary bastaldy. Oqıǵa ornynda tergeý-jedel toby jumys istep jatyr. Prokýratýra, sondaı-aq, Sheremetevo áýejaıyndaǵy ushyp-qoný jolaǵynda er adamnyń óliminen keıin avıasııalyq qaýipsizdikti qamtamasyz etý týraly zań talaptarynyń oryndalýyn tekserýdi bastady. Tekserý qorytyndysy boıynsha, negizdemeler bar jaǵdaıda tıisti prokýrorlyq eleý sharalaryn qabyldaý máselesi sheshiledi.
