60 kılo salmaqtaǵy Ǵusman Qyrǵyzbaev reseılik Iаgo Abýladze men taıpeılik Iý Lı An arasyndaǵy kezdesýdiń jeńimpazymen jolyqsa, Eldos Smetov nepaldyq Mohan Bammen beldesedi. Bastapqy úsh básekede jeńiske jetken jaǵdaıda qos qandasymyzdyń joly tórtinshi kezeńde qıysatyny anyq.
66 kılo salmaqtaǵy qos balýanymyz da dál sondaı jaǵdaıǵa tap bolyp otyr. Erlan Serikjanov Taıpeıdiń ókili Chen-Tın Hýangpen kúresse, Eldos Jumahanov amerıkalyq Kol Chandler men mońǵolııalyq Bashýý Ionderperleneı arasyndaǵy tartysta mereıi ústem bolǵan dzıýdoshymen aıqasady. Tórtinshi aınalymda olar bir-birimen aıqasýy múmkin.
73 kılo salmaq dárejesindegi qos órenimizge alǵashqy aınalymdarda asa kúshti qarsylastarmen tiresýge týra keledi. Bekádil Sháımerdenov 2014 jylǵy álem chempıonaty men 2018 jylǵy Azııa oıyndarynyń qola júldegeri, Birikken Arabtar ámirliginiń ókili Vıktor Skorsovpen saıysqa tússe, Jansaı Smaǵulov reseılik Saıan Ondar men portýgalııalyq Nýný Saraıvanyń birimen kúsh synasady.
81 kılo salmaqtaǵy Dıdar Hamza alǵashqy aınalymda bos. Kelesi kezeńde qandasymyz ıtalııalyq Matteo Markonchını men chernogorııalyq Srdjan Mrvalevıch arasyndaǵy tarysta baǵy janǵan balýanmen ıyq tiresedi. Olardyń ekeýi de ár jyldary álem chempıonatynda kúmis medaldi moıyndarynda jarqyratqan.
90 kılo salmaqtaǵy Islam Bozbaev pen Ázız Qalqamanulynyń ekeýi de Naýrý elinen kelgen sportshylarmen saıysqa túsedi. Biri Inıkı Ýeramen, ekinshisi Ovını Ýeramen beldesedi.
100 keli salmaqtaǵy Ábilhan Qozybaevtyń qarsylasy – fıdjılik Tevıta Takaıava. Al asa aýyr salmaqtaǵy Ǵalymjan Qyryqbaı Reseıdiń myqtysy Temirlan Bashaevpen beldesse, Erasyl Qajybaev sol eldiń taǵy bir myqtysy Rýslan Shahbazovpen kúresedi.
Áıelder arasyndaǵy saıysta qazaqstandyqtar arasynan jalǵyz Sevara Nyshanbaeva ǵana óner kórsetedi. Onyń tusaýkeser kezdesýdegi qarsylasy – belgııalyq Mına Lıbeer.
Ǵalym SÚLEIMEN,
«Egemen Qazaqstan»
