Atalǵan is-sharaǵa «Nur Otan» partııasy Tóraǵasynyń Birinshi orynbasarymen birge belgili jazýshy, dramatýrg, qoǵam qaıratkeri Tólen Ábdik, pýblısıst, Parlament Májilisiniń depýtaty Saýytbek Abdrahmanov jáne Qazaqstan Jazýshylar odaǵynyń sekretarıat múshesi Nesipbek Aıt qatysty.
Alǵash bolyp sóz alǵan «Nur Otan» partııasy Tóraǵasynyń Birinshi orynbasary Elbasy maqalasynyń máni men mańyzyna toqtalyp ótti. Ol bul maqalanyń ult tarıhyn tanýdyń jańa kezeńin bastap bergenin jáne bizdiń álemdik órkenıet pen jahandyq damýǵa qosqan úlesimizdi qaıtadan zerdelep, dúnıejúzine jańasha dáripteýge úndeıtinin aıtty.
– Elbasynyń «Uly dalanyń jeti qyry» maqalasy kópqyrly ári aýqymdy tarıhymyzdy durys túsinip, qabyldaýǵa shaqyrady. Sondyqtan ondaǵy basymdyqtardy júzege asyrýǵa Memleket basshysynyń senimdi tiregi retinde «Nur Otan» partııasy da tikeleı atsalysatyn bolady. Osy baǵyttaǵy jobalarymyzdyń biri jas aqyn-jazýshylarǵa arnalǵan «Uly dala» shyǵarmashylyq baıqaýy. Bul baıqaýdyń formaty men mańyzyn Jazýshylar odaǵymen pysyqtap, aldyn ala talqyladyq. Aldaǵy ýaqytta jas qalamgerlerimiz osy baıqaý arqyly Elbasynyń maqalasynda aıtylǵan qundylyqtar men ıdeıalardy dáripteýge jáne olardy júzege asyrýǵa óz úlesterin qosady dep senemiz, – dedi Máýlen Áshimbaev.
О́z kezeginde jazýshy Tólen Ábdik Elbasy partııasynyń ádebıetke kóńil bólgeni qalamgerler qaýymyn erekshe qýanyshqa bólegenin aıtty.
– Osyndaı baıqaý uıymdastyryp, ádebıettiń damýyna, jastardyń kórinýine múmkindik jasaý biz úshin jaqsy jańalyq boldy. Osy rette baıqaýǵa qatysatyn shyǵarmalar naýqanshylyqqa boı aldyrmaı, tereń zerttelip, sapaly jazylsa degen tilegimdi jetkizgim keledi, – dedi Tólen Ábdik.
Al mundaı baıqaýlardyń ádebıetke bereri mol ekenin aıtqan Májilis depýtaty Saýytbek Abdrahmanov osy jaıynda naqty mysal da keltirdi.
– О́tken ǵasyrdyń 60-70 jyldaryna deıin qazaq ádebıetindegi balalar ádebıeti kenjelep qalǵan bolatyn. Berdibek Soqbaqpaev, Saparǵalı Begalın, Muzafar Álimbaev sııaqty qadaý-qadaý tulǵalar qalam tartatyn. Al 70-shi jyldary «Jalyn» almanahy jaryq kórdi. Keıin «Jalyn» baspasy ashylyp, jyl saıyn balalar men jastarǵa arnalǵan shyǵarmalarǵa baıqaý jarııalaý dástúrge aınaldy. Sonyń arqasynda aınalasy jıyrma shaqty jyldyń ishinde qazaqtyń myqty balalar prozasy men balalar poezııasy qalyptasty. Bul eshqashan umytylmaıtyn erekshe jaǵdaı. Sondyqtan «Nur Otan» partııasynyń bastamasymen qolǵa alynǵan istiń mindetti túrde jaqsy jemis beretinine senim bildiremin, – dedi Saýytbek Abdrahmanov.
Baıqaýdyń basty maqsaty – rýhanı jańǵyrý ıdeıalary men qundylyqtaryn dáripteıtin qazirgi zamanǵy qazaqstandyq ádebıetti damytý jáne soǵan qoldaý kórsetý. Sondaı-aq óz shyǵarmalarynda elimizdiń rýhanı jańǵyrýy men damýyn sýretteıtin, qazirgi zamanǵy shyndyqty túsinýge jáne qazaqstandyqtardyń dúnıetanymyn qalyptastyrýǵa yqpal etetin talantty jas ádebıetshilerdi anyqtap, olardyń eńbegine laıyqty baǵa berý de kózdelip otyr.
Baıqaýǵa 18 ben 40 jas aralyǵyndaǵy qalamgerler qatysa alady. Qatysýshylardyń jumystary 2018 jyldyń 28 qarashasy men 2019 jyldyń 15 qańtary aralyǵynda qabyldanady. Nátıjesinde «Proza», «Poezııa», «Dramatýrgııa, kórkem fılmder men teleserıaldar ssenarıi», «Pýblısıstıka» jáne «Balalarǵa arnalǵan shyǵarmalar» sııaqty bes birdeı atalym boıynsha jeńimpazdar men júldegerler anyqtalmaq. Ár atalym boıynsha jeńimpaz ben ekinshi jáne úshinshi oryn alǵan qatysýshyǵa qomaqty qarjylaı syılyq taǵaıyndalǵan. Naqty aıtqanda, ár atalymnyń jeńimpazyna – 1,5 mıllıon, 2-oryn ıegerlerine – 750 myń, al 3-oryn alǵan qatysýshylarǵa 500 myń teńgeden beriledi.
Baıqaýdyń basqa da sharttary týraly partııanyń resmı saıty men buqaralyq aqparat quraldarynda jarııalanǵan Erejede tolyq baıandalǵan.
