Nursultan Nazarbaev Qazaqstan men О́zbekstan arasyndaǵy eki jaqty qarym-qatynastardyń oń qarqynmen damyp kele jatqanyn erekshe atap ótti.
– Búginde ózara qarym-qatynastarymyz joǵary deńgeıde. Biz Shavkat Mırzııoevpen jylyna birneshe ret kezdesip, ekonomıkalyq jáne saıası yntymaqtastyq salasyndaǵy ózekti máselelerdiń bárin talqylap kelemiz. Qabyldanǵan qujattar men qol jetkizilgen ýaǵdalastyqtardy júzege asyrý isinde eki memlekettiń parlamentteri mańyzdy ról atqarady, – dedi Qazaqstan Prezıdenti.
Nýrdınjon Ismoılov О́zbekstan Respýblıkasynyń Prezıdenti Shavkat Mırzııoevtiń sálemin jetkizip, eki el parlamentteri arasynda ótken kelissózderdiń nátıjeleri jóninde aıtty.
– Shyn máninde, sońǵy ýaqytta О́zbekstan men Qazaqstan arasyndaǵy yntymaqtastyq joǵary deńgeıge jetti. Buǵan, eń aldymen, О́zbekstan men Qazaqstan baılanysynyń jańa kezeńine jol ashqan eki memlekettiń prezıdentteri arasyndaǵy dostyq qarym-qatynastardyń arqasynda qol jetkizildi. Sizder halyqtarymyzdyń yntymaq pen kelisim aıasynda birlese ómir súrsek degen oı-nıetin júzege asyrdyńyzdar. Sol úshin Sizderge zor alǵys aıtamyz, – dedi О́zbekstannyń Olıı Májilisi zań shyǵarý palatasynyń spıkeri.
