Qazaqstan • 27 Qarasha, 2018

Arýjan Saın: Búgingi kúnge deıin 3 mıllıard teńge jınaldy

525 ret
kórsetildi
1 mın
oqý úshin

Astanada ótip jatqan NurOtan Talks alańynda Arýjan Saın qoǵamdaǵy qaıyrymdylyq máselesi men «Erikti qaıyrymdylyq qoǵamy» qorynyń atqarǵan sharalarmen bólisti.  

Arýjan Saın: Búgingi kúnge deıin 3 mıllıard teńge jınaldy

- Qoǵamnyń qurylǵanyna 12 jyl boldy. Osy ýaqytqa deıin 1700 balaǵa kómek kórsetildi. Ol 2500 ota men em-sharalar qarjylandyrylǵanyn bildiredi. О́ıtkeni keı balalar birneshe ota jasatady. 2006 jyly áleýmettik jeliler joq edi, ınternette forýmdar ǵana bolatyn.  Sol kezde eriktiler qatarynda bolyp júrgende osyndaı úlken jobaǵa ulasaryn bilmedik, - deıdi qoǵam qaıratkeri.

- Búgingi kúnge deıin 3 050 000 000 teńge jınaldy. Bul soma 280 teńgelik habarlamalar, basqa kompanııalardyń kómegimen jınaldy. 300 myń AQSh dollaryn Elbasynyń qaıyrymdylyq qory bóldi. Bunyń barlyǵy kishkentaı qadamdardan bastalǵan bolatyn.

Jastarǵa aıtarym - ózińizge unaıtyn ispen aınalasyńdar. Sonda ǵana ár isińiz ózińizge ǵana emes, aınalańyzǵa da paıdaly bolyp, baqytqa bóleısiz.

Barlyǵymyz bir qalanyń, bir eldiń turǵyndary bolǵanymyz úshin bir-birimizge kómektesip turýymyz kerek, - deıdi Arýjan Saın.