Mekemeniń esepke alý, saqtaý, kórme jáne oqý zaldary jumysyn uıymdastyrý bóliminiń basshysy Anar Baımaǵambetova usynǵan málimetke júginsek: «Bul kóne jazbany ǵalymdar ejelgi túrkilerdiń genealogııalyq tamyry dep tanıdy. Al bizdiń qorda turǵan nusqa parsy tilindegi aýdarmasy. Kitaptyń túpnusqasy Garvard ýnıversıtetiniń (AQSh) Hoýton kitaphanasynda saqtalǵan», deıdi.
Sondaı-aq zertteýshi V.Tızengaýzen «Shadjarat ál-Atrak» qoljazbasy shamamen HV ǵasyrdyń ortasynda qurastyrylyp, keıin Myrza Ulyqbektiń «Ýlýs-ı arba-ın» shyǵarmasy negizinde keıbir tolyqtyrýlar engizilgen dep túsindiredi.
Jalpy, shyǵarmada Shyńǵys han jáne túrikter shejiresi nemese túrki bıleýshileriniń tarıhy jáne olardyń shyǵý tegi týraly mıfologııalyq tarıhı túsinikter baıandalypty. Atap aıtsaq, qoljazbada túrkilerdiń shyǵý tegin Nuh paıǵambardyń uly Iаfetten taratady. Oǵyz han dáýiri, odan Shyńǵys han dáýiri baıandalyp, qaǵannyń tórt uly Joshy, Shaǵataı, О́gedeı, Tolýıdyń patshalyq qurǵan kezeńi týraly málimetter bar.
Sonymen qatar kitapta, túrki taıpalarynyń saıası odaqtary, olardyń ataýlary, týystyq qatynastary jáne qonystanǵan aımaqtary men bıleýshi áýletteri týraly málimet berilýmen qatar, etnografııalyq túsinikter, ádet-ǵuryptar, turmys-salty, áleýmettik dástúrleri týraly sıpattamalar bar.
Bul týyndy zertteýshiler úshin úlken qundylyqqa ıe. Sebebi ejelgi túrkilerdiń etnostyq tarıhyn bilip, shyǵý tegi týraly ortaǵasyrlyq túsinikterdi qalpyna keltirý, túrki genealogııasy men taıpalyq qurlymyn zertteý úshin taptyrmaıtyn eńbek.
Qoljazbalar jáne sırek kitaptar ulttyq ortalyq mamandary bolashaqta atalǵan týyndyny HI ǵasyr murasy Ábý Saıd Gardızıdiń «Zaın ál-ahbar» («Jańalyqtardyń injý-marjandary»), Mahmud Qashqarıdiń «Dıvan luǵat at-túrk», Rashıd ad-Dınniń «Jamı at-taýarıh» eńbekterimen salystyrmaly taldaý júrgizýdi qolǵa alyp jatyr eken.
