Qorǵanys mınıstrligi áskerı oqý oryndaryna qujattar tapsyrýdyń sıfrlyq mehanızmin engizdi.
«О́tinish berý úshin eGov.kz portalynda avtorızasııadan ótip, «Azamattarǵa» – «Áskerı esep jáne qaýipsizdik» – «Áskerı qyzmet» bólimderine kirý qajet. Sodan keıin «Áskerı oqý oryndaryna qabyldaý ótinishterin berý» qyzmetin tańdap, elektrondyq formany toltyrý kerek. Úmitker negizgi málimetterdi kórsetip, oqý ornyn tańdap, jeke derekterdi óńdeýge kelisim beredi jáne ótinishti qol qoıýdyń qoljetimdi tásilderiniń biri arqyly rastaıdy», dep túsindirdi mınıstrlik.
О́tinish berýshi týraly aqparat avtomatty túrde tekseriledi. Júıe psıhonevrologııalyq, narkologııalyq jáne týberkýlez dıspanserlerinen, sondaı-aq sottylyǵy men múgedektik mártebesi týraly derekterdi suraıdy. Jeke kýálikter, bilim týraly málimetter jáne UBT nátıjeleri memlekettik aqparattyq júıelerden úmitkerdiń qatysýynsyz alynady.
О́tinishtiń qaralý nátıjesi paıdalanýshynyń jeke kabınetinde «Qyzmet alý tarıhy» bóliminde kórsetiledi. Qabyldanǵan jaǵdaıda ókiletti tulǵanyń sıfrlyq qolymen rastalǵan elektrondyq qujat beriledi; bas tartý jaǵdaıynda negizdelgen habarlama jiberiledi.
«Armııa analar kózimen»: Áskerı bólimderde ashyq esik kúni ótti
Qujattardy onlaın tapsyrýdyń jańa formaty qabyldaý prosesin qoljetimdi ári ashyq etedi. Áskerı oqý oryndarynda bilim berý bakalavrıat baǵdarlamalary boıynsha tegin júzege asyrylady jáne jumysqa ornalastyrý kepildigi qarastyrylǵan. Oqý aıaqtalǵannan keıin ınstıtýt túlekterine «leıtenant», al kolledj túlekterine «serjant» áskerı ataǵy beriledi.
Áskerı qyzmetshiler men otbasy músheleri poıyzben tegin qatynaıdy
Buryn qujattar jergilikti áskerı basqarý organdary arqyly rásimdelip, medısınalyq komıssııadan ótip, vedomstvolarǵa jeke barýdy talap etetin. Qazirgi tańda negizgi rásimder avtomattandyrylǵan.
Qorǵanys mınıstrliginiń bilim berý júıesinde ofıserlerdi daıarlaıtyn Qurlyq áskerleriniń áskerı ınstıtýty (Almaty), Áýe qorǵanysy kúshteriniń áskerı ınstıtýty (Aqtóbe), Radıoelektronıka jáne baılanys áskerı-ınjenerlik ınstıtýty (Almaty) sekildi úsh joǵary oqý orny, sondaı-aq serjanttar quramyn daıarlaıtyn bes áskerı kolledj bar.
Aıta keteıik, ótinishterdi qabyldaý 2026 jylǵy 1 maýsymǵa deıin jalǵasady.
Qazaqstanda áskerı esepke alý erejelerine ózgerister engizildi
