Atap aıtqanda almatylyq klýbtyń qaqpashysy Temirlan Anarbekovke, jartylaı qorǵaýshy Oljas Baıbekke jáne shabýylshy Mansur Birqurmanovqa rektor granty saltanatty túrde tabystaldy. Arnaıy kezdesýde grant ıegerlerine sertıfıkattar tapsyrylyp, jas sportshylardyń bolashaǵyna zor senim artyldy. Akademııa basshylyǵy bul bastamanyń jastardy qoldaý baǵytyndaǵy memlekettik saıasatpen úndes ekenin atap ótti. Akademııa ókilderi sportta da, bilimde de úzdik nátıje kórsetip júrgen stýdentterge árdaıym qoldaý kórsetilip kele jatqanyn aıtyp, bul úrdis aldaǵy ýaqytta da jalǵasatynyn jetkizdi.
Joǵary oqý ornynyń basshysy Qaırat Zakırıanov sportta joǵary jetistikke jetken jas sportshylardy turaqty túrde qoldaıtynyn aıtty. Buǵan deıin dál osyndaı rektor granty «Qaırat» fýtbol klýbynyń qaqpashysy Sherhan Qalmurzaǵa tabystalǵan bolatyn.
FIFA: Fýtbol klýbtary transferge 13 mlrd dollardan astam qarajat jumsady
