«Búgingi forýmdy Elbasynyń bastamalaryn qoldaıtyn elimizdiń jarqyn bolashaǵyna senetin azamattardyń forýmy desek te bolady. Bul memlekettik qoǵam úshin de azamattyq sektor úshin de úlken oqıǵa. Mundaı kezdesýler halyqty qanattandyryp, olardyń qyzmetterine, jobalaryn júzege asyrýǵa septigin tıgizedi dep oılaımyn. Prezıdenttiń bastamalaryn iske asyrýǵa Qazaqstannyń azamattyq sektorynyń róli asa mańyzdy. Elbasy óziniń Joldaýynda atap ótkendeı, árbir qazaqstandyq júrgizilip jatqan reformalardyń mánin jete túsinýi tıis. Reformalardy tabysty júzege asyrý úshin ortaq maqsatqa jumylý asa mańyzdy. Búgingi forým dál osy maqsatty kózdeıdi. Sondyqtan bul forýmnyń mańyzy da, mártebesi de erekshe», dedi D.Káletaev plenarlyq otyrystyń ashylýynda.
Azamattyq forým áleýmettik bastamalardyń eń úzdik tájirıbelerin usynyp, azamattyq qoǵamnyń qazirgi beınesin kórsetý úshin ár eki jyl saıyn ótedi. Forýmnyń segizinshi otyrysynyń sheńberinde semınarlar men master-klasstar, dóńgelek ústelder, pikirtalas alańdary, mınıstrlikter jáne vedomstvo basshylarymen salalyq kezdesýler formatynda 35 taqyryptyq sessııa ótkiziledi.
Forým barysynda azamattyq qoǵam ınstıtýttarynyń birige qyzmet etý máseleleri, memlekettik mekemeler men úkimettik emes uıymdar arasyndaǵy quqyqtyq qarym-qatynas bazasyn damytý boıynsha usynystar talqylanady.
Marjan TILEÝBEK,
«Egemen Qazaqstan»
