19 qazanda Qaraǵandy oblysynyń Ulytaý aýdanynda 1930 jyly dúnıege kelgen Tóregeldi Sharmanov Qaraǵandy memlekettik medısına ınstıtýtyn, aspırantýrasyn bitirip, medısına salasynda sony jetistikterge qol jetkizdi. Medısına ǵylymynyń doktory, professor, Reseı Medısına Ǵylym Akademııasynyń jáne QR UǴA akademıgi, Qazaqstannyń eńbek sińirgen qaıratkeri, Qazaq taǵamtaný akademııasynyń jáne Profılaktorııalyq medısına akademııasynyń negizin qalaýshysy ári Dúnıejúzilik Densaýlyq saqtaý uıymynyń taǵamtaný jónindegi sarapshylar komıtetiniń múshesi retindegi qyzmeti jyldar boıǵy ǵylymı-tájirıbedegi izdenisteriniń nátıjesi. Búginde akademıktiń jetekshiligimen 56 doktorlyq jáne 170 kandıdattyq dıssertasııa qorǵaldy.
«Qazan revolıýsııasy», «Halyqtar dostyǵy», «Parasat» ordenderimen marapattalǵan. DDU L.Bernard atyndaǵy syılyqtyń ıegeri.
«Qazaqstan Respýblıkasynda taǵam týraly ǵylymnyń irgeli de qoldanbaly aspektilerin daıyndaý» eńbekter toptamasy úshin Qazaqstan memlekettik syılyǵynyń ıegeri jáne «Ǵylym» nomınasııasyndaǵy «Platına Tarlany» táýelsiz syılyǵynyń ıegeri atanǵan.
Kitapta Tóregeldi Sharmanulynyń ómiri men qyzmetiniń san-qyrlaryn qamtyǵan «Qas-qaǵym» kitabynda elimizdiń belgili qoǵam, óner qaıratkerleriniń akademıktiń ómiri men eńbek jolyna arnaǵan maqalalarymen qatar fotosýretter toptastyrylǵan.
Is-sharaǵa Qazaqstannyń eńbek sińirgen qaıratkeri Sergeı Ázimov, «Atamura» korporasııasynyń prezıdenti Raqymǵalı Abraruly, Ulttyq kitaphana dırektory Janat Seıdýmanov, t.b. qoǵam jáne mádenıet qaıratkerleri, BAQ ókilderi men stýdentter qatysty.
Elvıra SERIKQYZY,
«Egemen Qazaqstan»
ALMATY
