О́ńirde aýyl sharýashylyǵy kooperatıvteriniń sany bar, sapasy joq. Nátıjesinde oblysta ashylǵan 124 kooperatıvtiń qazir 30-yń jumysy toqtap qalǵan. Tirkelgen 51- kooperatıv jumys istemeıdi.
Mysaly, Jelezın aýdanynda 5 kooperatıvtiń birde-biri jumys jasaı almaǵan. Oblys ortalyǵyndaǵy 5 kooperatıvtiń ekeýi, Ýspen aýdanynda 12-kooperatıvtiń 5 jumysyn toqtatypty.
Jergilikti ákimdikter shıkizat joq,kooperatıvter baǵytyn basqa salaǵa ózgertý qajet degen syltaýlarmen baılanystyrdýda.
Sondyqtan, oblys ákimi Bolat Baqaýov jumys istemeıtin, jumys isteı almaıtyn aýyl sharýashylyǵy kooperatıvterinen endi paıda joq ekenin, jabý kerektigin aıtty.
Al, jalpy óńirde agroónerkásiptik keshendi damytýǵa bıyl qaıtarymsyz 10 mlrd. teńge sýbsıdııa, qarjy ınstıtýttary arqyly 11 mlrd. teńge jeńildetilgen nesıe berilipti. Biraq, Memlekettik qoldaýǵa ıe bolǵan sharýashylyqtarda ashylǵan jańa jumys oryndary, áleýmettik jaýapkershilik, tóleıtin salyq kólemi men jumysshylardyń jalaqysy týraly aqparattar baıqalmaıdy.
Oblys ákimdiginiń málimetinshe, Aqsý qalasy men Sharbaqty, Ertis aýdandarynda ósimdik sharýashylyǵy ónimderiniń azaıǵan. Jalpy, bıyl 900,5 myń tonna dándi daqyl jınalypty. Astyq qabyldaıtyn kásiporyndarda 127,6 myń tonna astyq bar. Jergilikti aýyl sharýashylyǵy ónimderiniń 301 myń tonnasy syrtqy naryqqa satylypty.
Farıda BYQAI,
«Egemen Qazaqstan»
PAVLODAR
