Biregeılik pen birlikti, etnosaralyq kelisimdi qamtamasyz etýdi kózdegen sharaǵa óńirdegi zııaly qaýym ókilderi, «Analar keńesiniń» quramy, oblystyq QHA qurylymdarynyń jetekshileri, óńirdegi etnomádenı birlestikterdiń belsendi músheleri, aýdan, qala delegasııalary qatysady.
Dóńgelengen dastarhan basynda birge otyryp, adal astan dám tatqan adamdardyń dostyq qarym-qatynasy nyǵaıa túsedi. Uıymdastyrýshylar «sharanyń maqsaty jeńimpazdy anyqtaý emes, barsha etnostardy qoǵamdyq bastamalarǵa uıystyrý arqyly memleket quraýshy qazaq halqynyń mańaıyna toptastyrý», deıdi.
Bizdiń óńirimiz qolaıly klımatpen ǵana emes, sondaı-aq jomarttyq pen qonaqjaılylyqpen erekshelenedi. О́ńir basshysynyń quttyqtaýyn jetkizgen Túrkistan oblystyq Qazaqstan halqy Assambleıasy hatshylyǵynyń ókili Madına Kamedenovanyń aıtýynsha, dástúrli «Qazaq dastarhandary» festıvali óńirimizdegi etnostar arasynda tatýlyq pen dostyqtyń aıǵaǵy.
-«Bizdiń mindetimiz - qazaqtyń ulttyq taǵamdaryn qaıta jandandyryp qana qoımaı, qazaq mádenıetimen ártúrli etnomádenı ortalyqtar qurý, olardy bir bastamamen biriktirý», - dedi ol.
Ártúrli etnos ókilderi qazaq ulttyq taǵamdaryn daıyndaýǵa atsalysady. Olar et asyp, dastarhan daıyndap, qonaqtardy ulttyq dástúrmen kútip alady. Baıqaý jeńimpazdaryn anyqtaýǵa aqsaqaldar alqasy men zııaly qaýym ókilderinen quralǵan qazylar alqasy tóraǵalyq etedi.
Saıysqa qatysýshy etnos ókilderi «Qazaq dastarhany» degendi qalaı túsinetinin, óz deńgeıinde kórsete bildi.
Olardyń ishinen úzdigin anyqtaý da ońaı bolmady. Degenmen, qazylar alqasy dámdi aspen birge qazaqy salt-sanany da boıyna sińirgen etnos ókilderiniń barlyǵyn syı-qurmetke laıyq dep tanydy.
«Qazaq dastarhany» festıvaline Túrkistan oblystyq etnomádenı birlestikter men Qazaqstan halqy Assambleıasynyń aýdan qalalardaǵy fılıaldaryna jalpy 14 komanda (10 etnomádenı birlestik, 4 aýdandyq fılıal ) qatysqan bolatyn.
Qazylar alqasynyń sheshimimen bas júldege oblystyq ıran etnomádenı birlestigi laıyqty dep tabyldy. I oryndy Saıram aýdandyq fılıaly, II oryndy túrik etnomádenı birlestigi men tájik etnomádenı birlestigi ıelendi. Al, III oryndy Tólebı aýdandyq fılıaly, ózbek jáne slavııan etnomádenı birlestikterine buıyrdy.Saıys jeńimpazdaryna alǵys hattar men qarjylaı syılyqtar tabystaldy.
Berekeli jıynǵa qatysqan óńir turǵyndary etnomádenı birlestikter janyndaǵy óner ujymdary daıyndaǵan konserttik baǵdarlamany tamashalap, ulttyq taǵamdarymyzdan dám tatty.
Nurshat TО́KEN,
«Egemen Qazaqstan»
