Bul – shahta tarıhyndaǵy eń úzdik kórsetkish bolyp otyr.
– Jyl ótken saıyn bizdiń kórsetkishterimiz jaqsaryp keledi. Shahtanyń qurylǵylary jańartylýda. Qazir biz zamanaýı joǵary tehnologııaly keshendermen, Germanııada jaslaǵanSL300 kombaınymen jumys isteımiz, –deıdi«Saran» shahtasynyń dırektory Denıs Dymov.
Sondaı-aq, kenshilerdiń josparynda 2018 jyldyń 31 jeltoqsanyna deıin taǵy da 100 000 tonna kómir shyǵarý bar.
«Qara altynnyń» kópten kútken sońǵy tonnalaryn №1 ýchaske bastyǵy Pavel Neznamov jetekshilik etetin ujym óndirdi. Brıgada jer betine dástúrli túrde kómir kesegin alyp shyqty.
Osy oqıǵa qurmetine shahtada balalar úıiniń tárbıelenýshileri úshin merekelik shara uıymdastyrylyp, kenshiler balalarǵa jańa jyldyq syılyqtar tabys etti.
1955 jyldan beri kómir óndiretin «Saran» shahtasynda qazirgi tańda 1400-den astam adam jumys isteıdi.
Qaırat ÁBILDA,
«Egemen Qazaqstan»
Qaraǵandy oblysy
