Eń aldymen aýdan ákimi Baqyt Asanov aýdan ortalyǵyndaǵy №120 jalpy orta mektebi men «Myrzakent» mektep-gımnazııasyna baryp, jańadan ashylǵan IT synyptardyń lentasyn qıdy. О́ńir basshysy aýyl balalarynyń ǵylymı-tehnıkalyq bilimdi shynaıy ómirde qoldanýyna, zamanaýı tehnologııalardy jetik bilýine jol ashyp otyrǵan jobany barlyq mektepke endirý kerektigin basa aıtty.
«IT synyptarda 8-16 jas aralyǵyndaǵy balalar baǵdarlamalaý jáne robot tehnıkasynyń negizderi týraly Eýropalyq bilim berý standarty boıynsha tereńdetilgen bilim alady. Bul bastama mektepterge fakýltatıvti pán retinde engizilip, elektıvti kýrs retinde júrgiziledi» - dedi Baqyt Násirhanuly.
Aýdan ortalyǵyndaǵy №120 jalpy orta mektebi men «Myrzakent» mektep-gımnazııasynan bólek, Atakent kentindegi «Maqtaaral» mektep-gımnazııasynda da IT synyp ashyldy. Jalpy «Sıfrlyq Qazaqstan» memlekettik baǵdarlamasyn oryndaý maqsatynda 2018 jyly aýdan mektepterine 50 mıllıon teńgeden asa qarjyǵa 358 kompıýter, 105 mıllıon teńgeden asa qarjyǵa 212 mýltımedııalyq jabdyqtar alynǵan.
Aıta keteıik, Maqtaaral aýdanynda «Sıfrlyq Qazaqstan» memlekettik baǵdarlamasyn iske asyrý úshin aýdan ákimimen jumys jospary bekitilip, ondaǵan jobalar iske aspaqshy.
«Smart Maktaaral» dep atalatyn joba negizinde aýdandaǵy bazarlar men saýda núkteleriniń, qyzmet kórsetý oryndarynyń jumysyn avtomattandyrý, bilim berý uıymdarynda IT synyptaryn ashý, aýdan boıynsha tegin Wi-Fi jelilerin qurý, kommýnaldyq tólemderdi termınaldar men smartfon arqyly onlaın tóleý, elektrondy aqsha aınalymyna jaǵdaı týǵyzý, aýdannyń mańyzdy joldarynda aqyldy jaryqtandyrý júıelerin ornatý, beınebaqylaý júıelerin damytý, aýyl sharýashylyǵyna arnalǵan aqyldy sýarý júıelerin engizý sııaqty t.b. jobalar júzege asatyn bolady.
