Bul kúnderi elimizdiń Energetıka mınıstrligine qarasty Sıfrlandyrý departamentimen birlesip, Biryńǵaı málimetter bazasyn daıyndalyp, synaqtan ótkizilgen.
Mysaly, elimizde, óńirdegi óndiris oryndary men kásiporyndardan qorshaǵan orta, aýaǵa taratatyn zııandy zattarynyń belgilengen normadan aspaýy talap etiledi. Kásiporyndardyń ekologııalyq kórsetkishteri biryńǵaı memlekettik júıege berildi.
Al, ekologııalyq kórsetkishterdi baqylaıtyn qurylǵyny «Promanalıt» JShS jasap shyǵarǵan taldamalyq shkaftar arqyly anyqtaýǵa bolady. Kompanııa ókilderiniń aıtýynsha, ekologııalyq kórsetkishterdi baqylaıtyn bul qurylǵylar Astanadaǵy jáne «Pavlodarenergo» AQ, «Qazaqstan Alıýmınııi» AQ-qa qarasty jylý-elektr ortalyqtarynda ornatylǵan. Seriktestikte jasalatyn qurylǵynyń quny 15 mıllıon teńge kóleminde jáne joǵary. Qajetti bólshekter shetten satyp alynady da, jergilikti ınjenerler kómegimen qurastyrylady.
Byltyr «Promanalıt» JShS-i «SIEMENS AG» halyqaralyq kompanııasynyń Solution seriktesi degen mártebe aldy. Endi ekologııalyq baqylaý pýnktterin ashý josparlaýda. Kompanııada 35 adam eńbek etýde.
Aldaǵy ýaqytta kásiporyn «Pavlodar» arnaıy ekonomıkalyq aımaǵynan oryn alyp, memlekettik qoldaý arqyly jobalaryn júzege asyrmaqshy.
Farıda BYQAI
«Egemen Qazaqstan»
PAVLODAR
