KOREIаDA TAǴY DA ÚSh BALAǴA OPERASIIа JASALDY

Koreıada týabitti júrek aqaýy­men aýyratyn úsh qazaq­standyq balaqaıǵa tegin operasııa jasalyp, balalar analarymen bir­ge elge aman-esen oral­dy. Qaıyrymdylyq ak­sııa­syna Qazaqstandaǵy Koreıa Res­pýb­lıkasynyń elshi­ligi, Koreıanyń ha­lyq­aralyq áriptestik jónin­degi uıymy Qazaq­stannyń kóshbas­shy áleý­mettik qoǵamdyq qory men “Drýjba” Koreı-Qazaq­stan gospıtali qol­daý kórsetti. Osydan on bir jyl buryn Koreıa men Qazaqstan memleketteri basshylarynyń bastamasymen eki eldiń medısına salasyn jaqyndastyryp, dostyqty nyǵaıtý maqsatynda Almatyda “Drýjba” Koreı-Qazaqstan gospıtali ashylǵan bolatyn. Bir aıta keterligi, 2003 jylǵa deıin mundaǵy maman-dáriger­ler Koreıa Respýblıkasynan jyl saıyn aýysyp kelip, jumys istedi. Odan keıingi jyldary gospı­talǵa qazaqstandyq dáriger Vıtalıı Kım jetekshilik jasaǵan. Búginde munda Koreıadan kelgen maman­darmen birge, halyqaralyq kelisim boıynsha volonterler de qyzmet kórsetedi. Esterińizde bolsa, 2008 jyldyń qarasha aıynda qazaqstandyq bes bala analarymen birge Koreıaǵa baryp, týabitti júrek aqaýyna jasalǵan operasııa­lary sátti ótip, qulan-taza aıyǵyp, aman-esen elge oralǵany jóninde gazetimizde jazylǵan-dy. Endi, mine, sol jaqsylyqtyń, qaıyrymdylyqtyń, dos­tyq­tyń jalǵasyndaı 2009 jyldyń jeltoqsan aıynyń aıaǵynda Koreıanyń Chındjý qalasyndaǵy Geng Sangsk Ulttyq ýnıversıtetiniń janyndaǵy gospıtalda qazaqstandyq úsh balaǵa – Dınara Damırqyzy (4 jasta), Álisher Jaılaýbaev (5 jasta) jáne Álıhan Tórehanǵa (7 jasta) týabitti júrek aqaýyna operasııa sátti jasalyp, olar nebári on eki kúnde elge oralyp, otbasymen qaýyshty. Gospıtaldiń torakaldy hırýrgııa bóliminiń hırýrgi, professor Lı San Ho myrzanyń balalardyń júregine jasaǵan operasııasynyń árqaısysy bes saǵatqa sozylǵan. Balalar úsh-tórt kúnnen keıin-aq ózderin jaqsy sezinip, segizinshi kúni gospıtaldan shyqqan. – Men operasııanyń sátti aıaqtalǵanyna óte qýanyshtymyn. Operasııa bitken soń ózimniń qazaq balalarynyń aldaǵy ómirlerine septigimdi tıgizgenime kóńilim marqaıyp qaldy. Ekinshi jaǵynan, Qazaq­standa osyndaı aýrýmen naýqastanǵan bala­larǵa der kezinde operasııa jasalmaıtynyna qynjyldym, – degen eken Lı San Ho myrza operasııadan keıin balalardyń analarymen kezdesýinde. Iá, professor myrzanyń aıtqanyndaı, shynynda da Qazaqstanda týabitti júrek aqaýymen týylǵan náresteler 12-15 kılo salmaq almaıynsha, olarǵa der kezinde operasııa jasaıtyn ázirge klınıka joq. Al mundaı salmaqty bala tek 3 jasqa qaraı ǵana jınaı alsa kerek. – Alǵashqy joly jasalǵan qaıyrymdylyq operasııasyna Koreıanyń Nıchan qalasyndaǵy Gel medısına ınstıtýtynyń professorlary qolushyn bergen edi, – dedi bizben áńgimesinde “Drýjba” Koreı-Qazaqstan gospıtaliniń bas dárigeri Vıtalıı Leonı­dovıch. – Ondaǵy demeýshiler Nıchan qalasy­nyń ákimshiligi men baı korporasııalar, sondaı-aq Seýl­degi kardıologııa ortalyǵy boldy. Endi, mine, Koreıa­nyń halyqaralyq áriptestik jónindegi uıymy kómek qolyn sozdy. Men osy gospıtaldiń bas dárigeri retin­de bizdiń emdeý ornynyń eki memleket arasynda dostyqqa kópir, sebepker bolǵanyna qýanyshtymyn. Eger gospıtaldiń ashylýyna eki memlekettiń basshy­lary sebepker bolyp, úlgi kór­setse, endi sol eki eldiń arasyndaǵy áriptestik qaty­nas búginde óz tıimdiligin kórsetýde. Aldaǵy ýaqytta da bizdiń osyndaı dostyq qarym-qatynasymyz nyǵaıa túsedi dep senemin.