A. Elemesov Kosta-Rıka basshysymen ekijaqty qarym-qatynastardyń qazirgi jaǵdaıy men damýyn talqylady. Sonymen qatar, Qazaqstan Prezıdenti Nursultan Nazarbaevtyń negizgi baǵdarlamalyq qujattarynyń negizinde Qazaqstanda júzege asyrylyp jatqan jetildirý prosesteri týraly aıtyp berdi.
Qazaqstan Elshisi sondaı-aq Memleket basshysynyń taratpaý jáne qarýsyzdaný, halyqaralyq lańkestikpen kúresi jáne klımattyń ózgerýi máselelerinde rólin atap ótti. Oǵan qosa, Qazaqstannyń halyqaralyq arenadaǵy sońǵy jetistikteri, atap aıtqanda, BUU Qaýipsizdik Keńesiniń turaqty emes múshesi retinde qyzmeti týraly áńgimelep, BUU Qaýipsizdik Keńesinde elimizdiń kandıdatýrasyn qoldaǵany jáne EKSPO-2017 kórmesine qatysqany úshin Kosta-Rıka Prezıdentine alǵysyn bildirdi.
Oǵan qosa, A. Elemesov eki memleket arasyndaǵy ekonomıkalyq jáne quqyqtyq salalardaǵy kelisim-shart bazasyn keńeıtý máselelerin talqylap, jaqyn arada eki eldiń azamattary úshin vızalyq talaptardan ózara bosatý týraly kelisim jasasýdy usyndy.
О́z kezeginde, K. Alvarado Qazaqstan Prezıdenti N. Nazarbaevqa jáne Qazaqstannyń dostas halqyna zor iltıpatyn bildirdi. Kosta-Rıka úshin halyqaralyq qarýsyzdandyrý jáne beıbitshilik úshin kúres máseleleri mańyzdy bolyp tabylatynyn aıtyp, Qazaqstandyq bastamalarǵa qoldaý kórsetetinine sendirdi.
Qorytyndylaı kele, Ortalyq Amerıka memleketiniń basshysy óz eliniń Qazaqstanmen eki jaqty qatynastardy damytýdaǵy ashyqtyǵyn quptady.
