«Ulttyq mýzeıge syı tartý» kórmesi úsh aı boıy jalǵasady

2015 jyly bastalǵan «Ult­tyq mýzeıge syı tartý» atty respýblıkalyq aksııa aıasynda halqymyzdyń saıası-áleýmettik jáne rýhanı-mádenı ómirine ólsheýsiz úles qosqan tanymal tulǵalardyń urpaqtary bú­ginge deıin kózderiniń qa­ra­­shy­­­ǵyndaı saqtap kelgen dú­nıe­lerdi mýzeı qoryna tapsyrdy. Qo­rytyndy saltanatty kór­­mege Jumabek Táshenovtiń dıp­lomatııalyq tólqujaty men or­denderi, Q.Myrzalıevtiń qa­­­­lam­­saby men qolsaǵaty, J.Úsh­kempirovtiń altyn medaldary men jarystarǵa kıgen kıimderi, G.Ismaılovanyń qyl qalamdary men sándi sóm­keleri, Serik Sápıev, Iýrıı Mel­nıchenko, Vladımır Smır­nov, Baqyt Sár­sekbaev syndy olımp shyńyn ba­ǵyndyrǵan sań­­laqtardyń jeke zattary qo­ıyldy.

Saltanatty sharaǵa memle­ket jáne qoǵam qaıratkeri Din­­muhammed Qonaevtyń jıe­­ni Jan­neta Serikbaeva, Qazaq­stan­nyń halyq árti­si Gúljan Áspetova, Qa­zaqstan­nyń eńbek sińirgen óner qaı­rat­keri, aıtysker aqyn Na­dej­da Lýshnıkova, akter San­jar Mádıev, sýretshi Ábil­­han Qasteevtiń shóberesi Aı­sanym Qasteeva, Márııam Ja­gorqyzynyń nemeresi Qabıba Nurbekova jáne ózge de elimizge belgili óner qaıratkerleri, jas­tar qatysty.

Qorlardy esepke­ alý­ bóli­miniń jetekshisi Bátesh Aqbasova qordaǵy eksponattardyń árqaı­sy­synyń sırek ári qaıtalan­baıtyn sony dúnıeler ekenin aıtady.

 – Alǵashqy aksııalar aldymen úlken qalalar – Astana men Almatyda ótse, keıin res­pýblıka boıynsha jalǵasyn tapty. Úsh jylǵa ulasqan aksııa kezinde 300-den asa jeke tulǵa 4 myńǵa jýyq jádigerdi syıǵa tartty. Kelip túsken eks­ponattar­dy mý­zeı qorynyń irik­teý komıs­sııa­syndaǵy táji­rıbeli mamandar saraptamadan ótkizedi. Osydan keıin ta­­­­­­qyryptyq baǵytta salalanyp, ekspozısııa zaldaryna or­nalastyrylady. «О́tkendi qa­dirle, búgindi baǵala, keleshekke senimdi kúsheıt» degen jaq­sy sóz bar. Aksııaǵa belsene qatysqan el azamattary men qoǵam qaıratkerlerine, ózge de atsalysqan jandarǵa rı­za­­shylyǵymyzdy bildiremiz. Mu­­rany tapsyrýshylar úshin yn­talandyrý joldary da qa­ras­ty­rylǵan, – deıdi Bátesh Aq­basova.

Shara aıasynda Ámire Qashaý­baevtyń 1925 jyly Parıjde óner kórsetkeni úshin alǵan kúmis me­dali mýzeı qoryna saltanatty túr­de tabys etildi. Tapsyrylǵan eks­ponattardyń arasynda «qazaq val­siniń koroli» atanǵan Shám­shiniń «Kýban» pıanınosy kózge erekshe jyly ushyraıdy. Mýzyka aspabyn Shymkent jastary 1965 jyly kompozıtorǵa syıǵa tartsa kerek. «Dýdararı-dýdym, Bir sen úshin týdym» dep shyrqaǵan Márııam Jagorqyzynyń syry ket­se de, syny kete qoımaǵan aǵash aınasy da osy qatardan oryn teýipti. Sondaı-aq halyq sý­­retshisi Ábilhan Qasteevtiń plener shatyry men molberti de osy kórmede jarasym taýypty. Sýretshiniń qyzy Gúldarııa Qasteeva ákesiniń «Túrksibtiń salynýy», «Jambyl men Kalı­nın» atty jumystarynyń es­kızin de osy mýzeı qoryna tartý etip otyr.

Tarıhymyzdy tanýǵa, túgen­deýge úles qosqan taǵylymdy sha­­ra munymen aıaqtalmaıdy. Áý­le­tindegi muraǵa qalǵan buıymdy ótkizýge yqylasty jan­darǵa mý­zeı esigi árdaıym ashyq. Al mýzeıge tapsyrylǵan zat aýa, yl­ǵal, shań-tozań, kúnniń kó­zi,­ elektr jaryǵy sekildi shi­rý­ge, búlinýge, joıylýǵa áser ete­tin qubylystardyń bári­nen saq­tandyrylyp, arnaıy kútim­degi jádiger urpaqtan urpaqqa jet­pek.

Aıa О́MIRTAI,

«Egemen Qazaqstan»