Sýretti túsirgen: Rýfına Torpısheva
Oqý ornyndaǵy «Sanaly urpaq» keńsesiniń ashylýyna óńirge jumys saparymen elimizdiń Memlekettik qyzmet isteri jáne Sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaımova qatysty.
Bul kúnderi oqý ornynda sessııa barysynda sybaılas jemqorlyqqa qarsy top belsendileri stýdentter arasynda anonımdi saýalnamalar júrgizýde. Jasyryn saýalnamalar júrgizý arqyly túrli jaılardy bilip, anyqtalýy da múmkin.
Sondyqtan, jalpy, Sybaılas jemqorlyqqa qarsy mádenıetti qalyptastyrýǵa arnalǵan jergilikti jerdegi jastar uıymdarynyń qatysýymen debat jáne dóńgelek ústelder uıymdastyrý josparlanyp otyr.
О́tken jyly Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblys boıynsha departamenti óńirdegi Bilim berý basqarmasy, Joǵary oqý oryndarymen birlesip qoǵamda sybaılas jemqorlyqqa qarsy mádenıetti, sondaı-aq jastar arasynda sybaılas jemqorlyq kórinisterine degen tózbeýshilikti qalyptastyrý maqsatynda túrli sharalar ótkizdi.
Mysaly, joǵary oqý oryndary men kolledjderinde, 9-11 synyp oqýshylary arasynda «Sybaılas jemqorlyqqa qarsy is-qımyl zańnamasynyń qalyptasýyna 20 jyl» atty Birińǵaı saǵat ótkizildi. Jyl saıynǵy «Adal bol» respýblıkalyq sharasy jalǵasyn tapty.
Sharalar elimizdegi Jemqorlyqqa qarsy Zańnamanyń naqty jumys jasaýyna úles qosatyn, azamattyq qoǵamnyń belsendi jastar ókilderiniń tobyn qalyptastyrýǵa múmkindik beredi.
Memlekettik qyzmet isteri jáne Sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova «Sanaly urpaq» keńsesin, stýdenttik qyzmet kórsetý ortalyǵyn aralap kórdi, mýzeı qory eksponattarymen tanysty.
Sondaı-aq, Aıgúl Shaımova áleýmettik jaǵynan góri tárbıelik mańyzy basym saýda satýshysyz jasalatyn dúkende boldy.
Ustazdar men stýdentter kerek zattardy alyp, aqshalaryn arnaıy qorapta qaldyrady. Bul ishki parasattylyq pen adaldyqty tárbıeleýge múmkindik beredi.
Stýdentter satýshysyz dúkender jobasy bir kúndik bolmaýy tıis. Kásipkerlerge oqý ornynan tegin alań usynsa-sórelerge arzan taýar keledi. Jastar adaldyqqa úırenedi,- deıdi.
Stýdenttermen kezdesý barysynda Aıgúl Shaımova dıalog túrinde memlekettik qyzmetkerlerdi daıyndaý jáne jumysqa ornalastyrý máselelerin, etıkalyq normalar jaıly máselelerdi talqylady.
Farıda BYQAI,
«Egemen Qazaqstan»
PAVLODAR
