Sondaı-aq, Maqtaaral aýdany О́zbekstannyń Syrdarııa jáne Jyzaq oblystaryndaǵy 4 aýdanmen shektesedi. Osyndaı geografııalyq múmkindikti paıdalanyp aýdanda О́zbekstan Respýblıkasymen saýda-sattyqty damytý úshin halyqaralyq saýda keshenderin qurý josparlanýda. Bul týraly óńirlik kommýnıkasııalar qyzmetinde aýdan ákimi Baqyt Asanov málimdedi.
«Maqtaaral aýdanynda Uly jibek jolynyń bir tarmaǵy sanalatyn M-39 «Tashkent – Termez» baǵytyndaǵy magıstral dálizi bar. Osy avtomobıl jolynyń potensıalyn paıdalanyp, óńirde saýda-sattyqty joǵary deńgeıde damytýǵa múmkindigimiz zor. Máselen, bir kezderi halyqaralyq deńgeıde qyzmet kórsetken betonkanyń boıyndaǵy «Sapar» bazaryn halyqaralyq deńgeıde qaıtadan damytsaq – óńirde myńdaǵan adamdy jumyspen qamtı alamyz» - dedi Baqyt Nasyrhanuly.
Qazirgi tańda Edige Rahymberdıevke tıesili "Sapar" bazarynda modernızasııalaý jumystary júrip jatyr. Ol úshin kásipkerdiń jeke esebinen 100 mıllıon teńgeden asa qarajat jumsalýda. 2019 jyly aıaqtalatyn joba qosymsha 100 adamdy jumyspen qamtıtyn bolady.
Sonymen qatar, «Sapar» bazarynyń aýmaǵynda О́zbekstan Respýblıkasymen saýda-sattyqty damytý úshin Qytaı Halyq Respýblıkasyndaǵy «Hargos», Qyrǵyzstan Respýblıkasyndaǵy «Dordaı» bazarlary sııaqty saýda keshenderin qurý josparlanýda.
Myrzashól óńiri elektr qýatyn kórshi О́zbekstan Respýblkasynan tasymaldaıtyny belgili. Mine, energııa tapshylyǵyn azaıtý maqsatynda ındýstrııalandyrý kartasynan tys "Injenernaıa arena" JShS-niń balamaly gıbrıdtik elektro stansııasyn qurý kózdelýde. Jalpy quny 2,5 mlrd teńgeni quraıtyn joba 4,9 MVtt elektr óndire alady. Sondaı-aq, 2019 jyly iske qosylatyn stansııa 25 adamdy jumyspen qamtymaq.
2018-2019 jyldardaǵy О́ńirler kásipkerligin qoldaý kartasynan tys iske asyp jatqan jobalardyń qatarynda "Altyn saraı" qonaq úıi men basseın kesheni, "Sapar" saýda bazaryn modernızasııalaý jobalary da bar.
Atakent kentindegi "Altyn saraı" qonaq úıi jáne basseın kesheniniń qurylysy 2019 jyly aıaqtalady dep kútilde. Quny 100 mıllıon teńgeni quraıtyn joba iske asqannan soń 15 adamdy turaqty jumys ornymen qamtıdy.
Sondaı-aq, Atakent kentinde "Mýtalıev Q" JK-ne tıesili taǵy bir qonaq úı men meıramhana kesheniniń qurylysy júrgizilýde. Quny 80 mıllıon teńgeni quraıyn joba 15 adamdy jumyspen qamtı alady.
