Memleket basshysynyń tapsyrmalaryn júzege asyrýdy maqsat ete otyryp, ashylǵan dene shynyqtyrý keshenderiniń maqsaty salaýatty ómir saltyn nasıhattaý, buqaralyq sport túrlerin damytý jáne jastardyń sporttyq sheberlikterin arttyrýmen qatar aýdan boıynsha buqaralyq sporttyq is-sharalarynyń sportpen shuǵyldanýshylardyń sanyn kóbeıtý, sportshylarymyzdyń oblystyq, respýblıkalyq jarystarǵa qatysýyn qamtamasyz etý bolyp tabylady.
180 orynǵa arnalǵan dene shynyqtyrý-saýyqtyrý kesheniniń negizgi korpýsynda jattyǵý zaly, májilis zaly, fýnksıonaldyq jattyǵýlar, oıyn zaly, kúres zaly, boks zaly, sonymen qatar, terrıtorııasynda voleıbol, basketbol, fýtbol sporttyq alańdary, stadıon jáne 400 oryndyq kórermen trıbýnasy ornalasqan.
«Almaly» balalar men jasóspirimder sport mektebine 56 shtat berilgen.
«Almalyda» sporttyń 15 túrinen boks, basketbol, voleıbol, grek-rım, qazaqsha kúres, erkin kúres, jeńil atletıka, fýtbol, gandbol, taekvondo, karate-do, sambo, jekpe – jek, sadaq atý, taı-boks oqý-jattyǵý jumystary júredi. Aldaǵy ýaqytta 915 oqýshy jattyǵatyn bolady.
Elvıra SERIKQYZY,
«Egemen Qazaqstan»
ALMATY
