Hokkeı • 15 Qańtar, 2019

«Barys» «Sochıden» basym tústi

400 ret
kórsetildi
1 mın
oqý úshin

Qurlyqtyq hokkeı lıgasynda (QHL) synǵa túsip júrgen Astananyń «Barysy» kezekti týr oıynyn «Sochı» komandasyna qarsy ótkizip, býllıt serııasynda 3:2 esebimen jeńiske jetti.

«Barys» «Sochıden» basym tústi

«Barys Arena» muz aıdynynda ótken kezdesýde esepti birinshi bolyp qonaq komanda ashty. Oıynnyń jetinshi mınýtynda «Sochı» oıynshysy Denıs Mosalev mergendigimen kózge túsip, komandasyn alǵa shyǵardy. «Barys» hokkeıshileri tek oıynnyń ekinshi kezeńinde ǵana esepti teńestirýge múmkindik aldy. Shaıba avtory – Kevın Dallmen. Úshinshi kezeńde komandalar bir-birden shaıba soqty. «Barys» sapynan Andre Petersson kózge tússe, «Sochı» sapynan Rosen Robert esepti teńestirip ketti.

Býllıt serııasynda «Barys» oıynshylary saýatty taktıka qoldanyp, ár oıynshy ózine júktelgen mindetti asqan jaýapkershilikpen atqarǵanynyń arqasynda 65-mınýtta gol soǵyp, «Sochıdi» súrindirdi. Gol soqqan – Darren Dıs. Osy jeńisinen keıin elorda komandasy QHL-dyń jarys kestesinde 5-orynǵa jaıǵasty.