23 jastaǵy beıneýlik bolashaq dárigerdiń aıtýynsha, ushaq áýege kóterilgennen keıin shamamen 40 mınýt ótken soń bortserikter salonda dárigerdiń kómegi qajet ekenin birneshe ret habarlaǵan.
Mańǵystaýda eki táýlik jolda tońǵan júk kóligi júrgizýshisine polıseıler kómektesti
«Qaraǵandyda sońǵy emtıhanymdy tapsyryp, Astanaǵa aeroportqa qaraı shyǵyp kettim. О́zimdi negizgi emtıhandardan keıin sharshańqy sezinip tur edim. Ushaq ushqannan keıin shamamen 40 mınýttan soń bortserik dárigerler bar ma dep habarlady. Júz adamnyń ishinen bilikti dárigerler tabylar dep úndemedim. Bortserik úshinshi ret qaıtalap aıtqannan keıin ózim turyp naýqasqa bardym. Eń birinshi ózimdi tanystyrdym. Keıin naýqasty sabyrǵa shaqyryp, ne mazalap turǵanyn surap aldym. Naýqasty qarap teksergende jaǵdaıy ortasha aýyrlyqta, suraqtarǵa álsin−álsin jaýap beredi. Qan qysymyn tekserdim. Ol kisi Astana qalasynan aýrýy boıynsha emdelip kele jatyr eken. Qanynda qant deńgeıi túsip ketkenin túsindim», dedi Mahsýd Ibadýllaev.
Bilimine súıenip, jedel kómek kórsetýge tyrysqan maman ushaq qonǵansha naýqastyń janynda jaǵdaıyn baqylap otyrǵan.
«Naýqastyń qant deńgeıin tekseretin qural bagaj bóliminde bolǵandyqtan ushaq bortynda ony alý múmkindigi bolmady. Basynda naýqasqa medısınalyq qobdıshadaǵy 40 paıyzdyq ampýladaǵy glıýkozany engizý oıda bolǵan. Alaıda aldymen oǵan eki-úsh qasyq qant qosylǵan sháı men kishkene shokolad berdim. Sosyn naýqastyń jaǵdaıy jaqsardy. Keıin qaıta qan qysymyn ólshegende 90-60-tan 120-80-ge ózgerdi. Ushaq qonǵansha naýqastyń janynda jaǵdaıyn baqylap otyrdym. Sebebi naýqas ómirin jaqsartý − basty boryshym», dedi Mahsýd Ibadýllaev.
Almatynyń komıýnıtı ortalyqtary bıyl qansha azamatqa kómektesti?
