Resmı derekke sensek, aýyl sharýashylyǵy daqyldaryn 623,3 myń gektarǵa ornalastyrý josparlanǵan. О́tken jyly 640 myń gektar alqaptan 3,2 mln tonna ónim jınalǵan bolatyn. Bul týraly aýyl sharýashylyǵy basqarmasynyń basshysy Ábdirásil Jeleýbaev habarlady.
Onyń aıtýynsha, egistik alqaptarynyń qysqarýy 2026-2028 jyldar aralyǵynda Islam damý bankiniń qarjylandyrýymen 76 kanalǵa júrgiziletin jóndeý jumystaryna tikeleı baılanysty.
Sýarmaly jer kóleminiń ýaqytsha azaıýyna baılanysty sýdy kóp qajet etetin kókónis daqyldarynyń kólemi 7,5 myń gektarǵa qysqaryp, jalpy alańy 23,6 myń gektardy quraıdy. Sondaı-aq baqsha daqyldarynyń kólemi 8 myń gektarǵa azaıtylyp, 4,7 myń gektarǵa ornalastyrý josparlanýda.
Jambyl oblysynyń kóktemgi egin egý jumystaryna daıyndyǵy qalaı?
Basqarma basshysynyń aıtýynsha, qaıta óńdeý kásiporyndaryn shıkizatpen qamtamasyz etýge basymdyq berilmek. Osy maqsatta dándik júgeri alqaby 11,8 myń gektarǵa ulǵaıyp, jalpy kólemi 30 myń gektarǵa jetkiziledi. Qant qyzylshasynyń egis kólemi 1,9 myń gektarǵa artyp, 8,5 myń gektardy quraıdy.
