Is-sharaǵa elimizdiń ár óńirinen kelgen 100-ge jýyq oqýshy qatysty. Konferensııanyń maqsaty – qatysýshylardyń kóshbasshylyq qabiletterin damytý, zııatkerlik áleýetin arttyrý, dıplomatııalyq qarym-qatynas mádenıetin qalyptastyrý. Keleshekte halyqaralyq máselelerdi talqylaýda óz kózqarasyn saýatty ári dáleldi jetkizý daǵdylaryn jetildirý jaıy talqylandy.
Plenarlyq otyrys barysynda qatysýshylarǵa Model United Nations formatynyń erekshelikteri aıtylyp, negizgi taqyryptar aıqyndaldy. Seksııalyq otyrystarda oqýshylar halyqaralyq kún tártibindegi ózekti máselelerdi talqylap, usynystaryn ortaǵa saldy. Pikirsaıys formatyndaǵy jumystar barysynda delegattar óz memleketteriniń ustanymyn qorǵap, kelissózder júrgizý, rezolıýsııa jobalaryn ázirleý men birlesken sheshimder qabyldaý tájirıbesin ańǵartty.
Konferensııa barysynda qatysýshylardyń analıtıkalyq oılaý qabileti, kópshilik aldynda sóıleý mádenıeti jáne toppen jumys jasaý daǵdylary aıqyn kórindi. Árbir delegat óz pikirin naqty dáleldermen negizdep, qarsy taraptyń kózqarasyna qurmetpen qaraý arqyly syndarly dıalog ornatýǵa kúsh saldy.
Is-shara qorytyndysynda belsendilik tanytyp, úzdik nátıje kórsetken qatysýshylar arnaıy syılyq, alǵys hattarmen marapattaldy. Konferensııa birlik pen dostyqty dáripteıtin ortaq ánmen aıaqtalyp, qatysýshylarǵa erekshe rýhanı áser syılady.
«ARYSMUN-2026» jas kóshbasshylardyń tájirıbe almasýyna, jańa ıdeıalar usynýyna jáne bolashaqtaǵy kásibı baǵdaryn aıqyndaýyna múmkindik bergen mańyzdy bilim berý alańy ekenin aıqyndaı tústi.
Aqsý jastary oblys ákimimen jańa Konstıtýsııa jobasyn talqylady
