Keń dalada kele jatqan ańshynyń tazysy tasadan qashqan borsyqty baıqap qalady da qýa jóneledi. Borsyq 20 metr alysqa qashyp úlgergen tusta, ony qýǵan tazy borsyqtyń áýelgi qashqan orynyna keledi. Borsyq taǵy da 20 metr alysqa qashyp úlgergende, tazy ony qýyp jetip ustaıdy. Sonda tazy borsyqtan neshe ese jyldam bolǵan jáne bastapqy kezde tazy men borsyq araqashyqtyǵy qandaı boldy?
20-shy ESEP:
Abylaı hannyń syılyq taratýy
Abylaı han bılik qurǵan zamanda qazaq jasaǵy jaýmen shaıqasyp jeńiske jetedi. Han shaıqasta erekshe erlik kórsetken jaýjúrek toǵyz sarbazdy marapattaýǵa sheshim qabyldaıdy. Ol úshin jaýdan olja retinde qolǵa túsken 101 sáıgúlikti kermege qaz-qatar baılatyp qoıyp, onyń árbir onynshysyn birinshi sarbazǵa syılyq retinde beredi. Odan qalǵan jylqylardyń árbir toǵyzynshysy ekinshi sarbazǵa beriledi. Budan qalǵan jylqylardyń árbir segizinshisi úshinshi sarbazǵa tıesili bolady. Osy retpen barlyq sarbazdar ózderine tıesili qaldyq toptaǵy árbir jetinshi, altynshy, besinshi, tórtinshi, úshinshi... jylqylardy syılyqqa alady. Al, eń sońǵy toǵyzynshy sarbaz alǵashqy sarbazdardan qalǵan jylqylardyń árbir ekinshisin alady da, kermede qalǵan alynbaı qalǵan sońǵy jylqylar maıdanda erekshe erlik kórsetken Jeke batyrǵa (toǵyz sarbazdan tys) beriletin bolady. Sonymen aıtpaǵymyz, ár sarbaz qansha jylqy syılyq alady?
21-shi ESEP:
Áıteke bıdiń attary
Áıteke bıdiń báıgeniń aldyn bermeıtin júırik attary men kókpar dese salym bitkenniń bárin sypyratyn kókpar attary bolypty. Bir kúni Áıteke bıden sende qansha báıge jáne qansha kókpar attary bar dese, atamyz: «Mendegi barlyq kókpar atynyń segizden biri – báıgeni de, kókpardy da shaba alatyn attar, al báıge attarynyń on úshten biri – kókpar aty bola alady» depti. Sonda Áıteke bıde qansha báıge jáne kókpar attary bolǵan?
Daıyndaǵan Beken QAIRATULY,
«Egemen Qazaqstan»
Eskertý: Esep jaýaptaryn info@egemen.kz mekenjaıyna joldaýlaryńyzdy ótinemiz!
